विश्वशान्तिकाे कामना सहित थेक्छेन पेमा छोलीङ गोन्पा सल्लेरीमा सुरु भयो १० कराेड बज्र गुरु मन्त्र जप 

बैशाख ४, सोलुखुम्बु । खोलुखुम्बुको सदरमुकाम सल्लेरीमा अवस्थित थेक्छेन पेमा छाेलीङ गोन्पामा १० करोड बज्रगुरु मन्त्र जप कार्यक्रम सुरु भएको छ ।  विश्‍वशान्तिको कामना गरि आजबाट १० करोड ब्रजगुरु मन्त्र जपको कार्यक्रम उद्‌घाटन भएको हो ।  गुम्बा स्थापना भएको २५ औँ वर्ष अर्थात रजत जयन्तीको अवसरमा आयोजना भएको यस कार्यक्रममा १० दिन सम्म बौद्ध धर्म सम्बन्धित विभिन्न धार्मिक अनुष्ठान हुने जनाइएको छ ।

गुरु पद्य सम्भव रिम्पोछेको मुख्य मन्त्र ऊँ आ हूँ वज्र गुरु पद्य सिद्धि ऊँ हू मन्त्रलाई १० करो पटक जप गर्दा अभिताप बुद्धको जस्तै अवस्था प्राप्त हुन्छ भन्ने विश्वासका साथ यो कार्यक्रमको आयोजना गरिएको गुम्बा व्यवस्थापन समिति सचिव ङिमा तेन्डुप शेर्पाले बताउनुभयो ।  थेक्छेन पेमा छाेलीङको चाहना विश्व शान्तिको कामना भन्ने आदर्श वाक्य सहित यस कार्यक्रमको आयोजना गरिएको छ ।  मन्त्र जप कार्यक्रममा सिद्धहस्त लामा तथा रिम्पोछेको उपस्थीति छ ।  

रिम्पोछेहरुलाई हिजो जिल्लामा स्वागत गरिएको थियो भने आज वृहत कार्यक्रम सहित गुम्बा भित्र स्वागत गरिएको सचिव शेर्पाले बताउनुभयो ।  १९ औँ संस्करणको ब्रजगुरु मन्त्र जप कार्यक्रम उद्घाटन समारोहमा सोलुदुधकुण्ड नगरपालिकाका नगरप्रमुख नाम्गेल जाङबु शेर्पा सहितका व्यक्तित्वको उपस्थिति रहेको थियो ।