रास्वपा लिखुपिके ५ को सभापतिमा सर्कि शेर्पा

बैशाख ७, सोलुखुम्बु ।  राष्ट्रिय स्वतन्त्र पार्टी लिखुपिके गाउँपालिका पाँचको सभापतिमा सर्कि शेर्पा चयन भएकी छन् । जिल्ला सभापति नारायण काजी कार्कीको प्रमुख आतिथ्यतामा सम्पन्न अधिवेशनले शेर्पाको सभापतित्वमा ८ सदस्यीय वडा समिति चयन गरेको छ ।  सत्तारुढ दल रास्वपाले सङ्गठन विस्तारलाई तिव्रता दिने क्रममा सोलुखुम्बुका विभिन्न स्थानीय तह तथा वडाहरूमा गएर सङ्गठन विस्तारको काम गरिरहेको छ  ।

आज लिखुपिकेमा सम्पन्न अधिवेशनमा वडा कार्यसमितिको अधिवेशनले उपसभापतिमा ङिमा पासाङ शेर्पा, सचिवमा मानदेव शेर्पा चयन हुनु भएको छ ।  यस्तै सदस्यहरूमा सोनी तामाङ, चरिमाया थामी, जम्मर सिंह बस्नेत, छत्र कुमार प्रधान र गेल्जे शेर्पा चयन हुनुभएको छ  । नवनिर्वाचित वडा समितिलाई जिल्ला सभापति कार्कीले दायित्व र जिम्मेवारीको बारेमा दिशानिर्देश गर्नुभएको जनाइएको छ ।