रास्वपा लिखुपिकेको पालिका अधिवेशन शनिवार, प्रदेश सभापति आउने

बैशाख ११, सोलुखुम्बु । रास्वपा सोलुखुम्बुले शनिवार लिखुपिके गाउँपालिका अधिवेशन सम्पन्न गर्ने भएको छ। कोशी प्रदेश सभापति गोमा तामाङको प्रमुख आतिथ्यता एवं सभापति रवि लाममिछानेका स्वकीय सचिव प्रमोद न्यौपानेको उपस्थीतिमा गाउँपालिका अधिवेशन सम्पन्न गरिने भएको हो ।

पालिकामा पार्टीको उपस्थीति मजबुत बनाउँदै संगठन विस्तारमा प्राथमिकता दिएको रास्वपा सोलुखुम्बुले नेपाली काङ्ग्रेसको गढको रुपमा रहेको लिखुपिकेमा गर्ने पालिका अधिवेशनलाई विशेष महत्वका साथ हेरीएको छ । यसैवीच रास्वपा लिखुपिके १ को वडा सभापतिमा चन्द्र बहादुर बस्नेत चयन भएका छ ।

आज सुक्रबार सम्पनन वडा अधिवेशनले बस्नेतको सभापतित्वमा ९ सदस्यीय वडा समिति गठन गरेको हो । समितिकाे उपसभापतिमा सन्दिपा नेपाली, सचिवमा माधव बस्नेत चयन भएका छन् । यस्तै सदस्यहरुमा यशोदा बुढाथोकी, रमेश बस्नेत, गिता बस्नेत, रत्न माया भुजेल, श्याम थापा, असिम बस्नेत, टिका माया बुढाथोकी र इगहरी दाहाल चयन भएका छन् ।