प्रविधि मैत्री बन्दै सोलु प्रहरी, ड्रोन क्यामराबाट निगरानी गरिने

जेठ १, सोलुखुम्बु । प्रहरी सेवालाई प्रविधिमैत्री बनाउँदै सोलु प्रहरीले ड्रोन निगरानीको सुरुवात गरेको छ ।  जिल्ला प्रहरी कार्यालय सोलुखुम्बुले अव उप्रान्त विशेष अवस्थाको निगरानी ड्रोनबाटै गर्ने तयारी गरेको हो ।  जिल्ला प्रहरी कार्यालय सोलुखुम्बुका प्रमुख मनोजित कुँवरले जेठ १ गते आज यसको उद्‌घाटन गर्नुभयो ।  उहाँका अनुसार बाढी, पहिरो तथा अन्य विविध परिस्थीतिमा प्रहरीलाई निगरानी गर्न ड्रोनको प्रयोगले सहजता हुने छ ।  हिमाली जिल्ला भएकाले माथिल्लो भेगका भौतिक उपस्थिति हुन नसक्ने स्थानहरूमा ड्रोन मार्फत अवस्था हेर्न पनि सहज हुने उहाँको बुझाई छ ।  माथिल्लो सगरमाथाका ३ जिल्लामध्ये ड्रोन प्रयोग मार्फत निगरानी गर्ने सोलुखुम्बु पहिलो जिल्ला हो  ।