जेठ १, सोलुखुम्बु । खोटाङको केपिलासगढी गाउँपालिका–५ सप्तेश्वर स्थित थर्पुडाँडा माध्यमिक विद्यालयमा शैक्षिक सत्र २०८२ को वार्षिक परीक्षा तथा विभिन्न विधागत पुरस्कार वितरण कार्यक्रम सम्पन्न भएको छ । विद्यालयले वार्षिक परीक्षामा उत्कृष्ट नतिजा हासिल गर्ने विद्यार्थीहरुलाई पुरस्कार वितरण गर्नुका साथै विभिन्न अक्षयकोषमार्फत छात्रवृत्ति समेत प्रदान गरेको जनाएको छ ।
कार्यक्रममा लक्ष्मण निरौला स्मृति अक्षयकोष, मनमाया राई स्मृति अक्षयकोष, बिर्खबहादुर–धुर्वकुमारी स्मृति अक्षयकोष, ममता राई शैक्षिक अक्षयकोष, दीपेन्द्र कुमार निरौला शैक्षिक अक्षयकोष, थर्पुडाँडा माध्यमिक विद्यालय अक्षयकोष तथा सम्झना निरौला शैक्षिक अक्षयकोषबाट विद्यार्थीहरुलाई छात्रवृत्ति वितरण गरिएको थियो। विद्यालयका अनुसार यस्ता अक्षयकोषबाट प्रदान गरिने छात्रवृत्तिले विद्यार्थीहरुको सिकाइ उपलब्धि सुधार गर्न तथा शिक्षामा थप प्रेरणा मिल्ने अपेक्षा गरिएको छ।
कार्यक्रमको अध्यक्षता विद्यालय व्यवस्थापन समितिका अध्यक्ष रुपलाल राईले गर्नुभएको थियो भने प्रमुख अतिथिका रुपमा वडा अध्यक्ष हिमालभक्त राई उपस्थित रहनुभएको विद्यालयका प्रधानाध्यापक ज्ञानु राईले जानकारी दिनुभयो। कार्यक्रममा शिक्षक, अभिभावक, विद्यार्थी तथा स्थानीयवासीहरुको उल्लेख्य सहभागिता रहेको थियो ।
Discussion about this post