माप्यमा सुरु भयो राष्ट्रपति रनिङ शिल्ड, कोर्कु रङ्गशालामा खेलको प्रदर्शन 

जेठ २, सोलुखुम्बु । सोलुखुम्बुको माप्य दुधकोशी गाउँपालिकाको राष्ट्रपति रनिङ शिल्ड प्रतियोगिता सुरु भएको छ ।  शनिवार गाउँपालिकाको कोर्कु रङ्गशालामा गाउँपालिका स्तरीय रनिङ शिल्ड सुरु भएको हो ।  गाउँपालिकाको आयोजनामा सुरु भएको प्रतियोगितामा पालिकाका ७ वटा माविले विभिन्न विधाका खेलहरूमा प्रतिष्पर्धा गर्ने छन् ।  शनिवार सम्पन्न गर्ने गरि सुरु भएको प्रतियोगिताको उद्‌घाटन शुक्रबार गाउँपालिका अध्यक्ष बुद्धिकिरण राई तथा उपाध्यक्ष गौरव राईले संयुक्त रुपमा गर्नुभयो ।  

उद्‌घाटन गर्दै गाउँपालिका अध्यक्ष बुद्धिकिरण राईले विद्यार्थीहरूको जीवनमा खेलको महत्व छुट्टै रहने उल्लेख गर्दै सक्रियताका साथ सहभागी भइरहेकोमा खुसी व्यक्त गर्नुभयो ।  

यस्तै गाउँपालिका उपाध्यक्ष गौरव राईले गाउँपालिकाबाट राष्ट्रिय तथा अन्तराष्ट्रिय स्तरका खेलाडी उत्पादन हुनेमा विश्वास व्यक्त गर्नुभयो ।  

उद्‌घाटन कार्यक्रममा बोल्ने अन्य वक्ताहरूले पनि खेलकुद स्वास्थ्यका लागी पनि उत्तिकै फाइदाजनक भएकाले विद्यार्थीहरूलाई आफ्नो प्राथमिकतामा खेल राख्न आग्रह गरेका थिए 

राष्ट्रका लागी खेलकुद स्वास्थ्यका लागी खेलकुद भन्ने नारा सहित सुरु भएको राष्ट्रपति रनिङ शिल्ड प्रतियोगितामा प्रतियोगिता अन्तर्गतका सबै खेलहरू रहने छन् ।  केही खेलहरूको शुक्रबारै पुरस्कार समेत वितरण गरिसकिएको छ भने बाँकीको सम्पन्न भएपश्चात गरिने छ  ।  गाउँपालिकाले खेलकुद क्षेत्रको विकासका लागी भन्दै कोर्कुमा रङ्गशाला निर्माण गरि हरेक वर्ष खेलकुद तथा पर्यटनका कार्यक्रमहरू गर्दै आएको छ ।