लोदिङलाई बालमैत्री वडा बनाउने कार्यक्रम अन्तीम चरणमा 

जेठ ६, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ३ लोदिङलाई बालमैत्री शासन युक्त वडा घोषणा कार्यक्रम अन्तरगतको स्टिकर टाँस कार्यक्रम गरिएको छ । बालमैत्री शासन युक्त वडा घोषणाका विभिन्न सूचकहरू मध्येको एक जनचेतनाका स्टकिर टाँस कार्यक्रम लोदिङ तामाखानी क्षेत्रमा सम्पन्न गरिएको हो ।

नगरपालिकालाइ नै बालमैत्री नगर बनाउने उद्देश्य सहित सुरु गरिएको बालमैत्री शासन युक्त वडा घोषणा कार्यक्रम यस अघि गार्माले सम्पन्न गरिसकेको छ । जिल्लामै पहिलो पटक गार्मालाइ बालमैत्री वडा घोषणा गरिएको थियो भने हाल अन्य वडाहरूलाई पनि सोही अनुरूप बालमैत्री वडा घोषणा गर्ने कार्यक्रम तिव्रताका साथ अघि बढेको छ । बालमैत्री अभियन्ता सुमन ढकाल सहित बालमैत्री स्थानीय शासनका वडा अध्यक्ष तथा वडा नम्बर ३ का अध्यक्ष ल्हाक्पा गेलु शेर्पाको अध्यक्षतामा यहाँका होटल व्यवसायी तथा अन्य व्यवसायीहरूलाई अनुशिक्षण समेत गराइएको छ ।