जेठ २२, सोलुखुम्बु । सोलुखुम्बुको थुलुङ दूधकोशी गाउँपालिका वडा नम्बर १ नेलेको सार्वजनिक सुनवाई सम्पन्न भएको छ । वडा अध्यक्ष घनराज सुनुवारको अध्यक्षता एवं वडाका विभिन्न टोल विकास संस्थाका अध्यक्ष तथा पदाधिकारी, विद्यालयका प्रअ एवं कर्मचारी तथा स्थानीयको उपस्थितिमा शुक्रबार सार्वजनिक सुनवाई सम्पन्न भएको हो ।
सुनुवाईमा वडामा चालु आर्थिक २०८२/८३ मा वडाले सञ्चालन गरेका निति कार्यक्रम तथा बजेटको बारेमा प्रस्तुतिकरण दिइएको थियो वडाका वडा सचिव विष्णु श्रेष्ठले वडाबाट सम्पन्न प्रशासनिक सेवाको विषयमा र पशु शाखा प्रमुख नन्द बुढाले वडामा पशु शाखाबाट सम्पदन भएका कामको विषयमा प्रस्तुतिकरण पेश गर्नुभएको थियो ।
सुनवाईका क्रममा वडा कार्यालयबाट सञ्चालन गरिएका योजना तथा कार्यक्रमहरूको विषयमा उठेका प्रश्नको विषयमा वडा अध्यक्ष घनराज सुनुवारले जवाफ दिनुभयो । सहभागीहरूले वडाको कार्यक्रममा समावेश बजेटको विषयमा, सम्पन्न भएका विकास निर्माण लगायत विभिन्न सरोकारीक विषयमा प्रश्न उठाएका थिए ।
उठेका प्रश्नको जवाफ दिँदै अध्यक्ष सुनुवारले आफ्नो १० वर्षे कार्यकालमा व्यक्तिगत जीवन समेत वडाका नागरिकको सेवामा लगाएको भन्दै जाँदै गर्दा कुनै गुनासो नरहने गरि जाने सोच बनाएको जिकिर गर्नुभयो ।
Discussion about this post