तल्लो सोलु जलविद्युत आयोजनाद्वारा ५४औँ विश्व वातावरण दिवस विविध कार्यक्रमसहित मनाइयो

जेठ २२, सोलुखुम्बु । सोलु हाइड्रो पावर लिमिटेड अन्तर्गत निर्माण सम्पन्न ८२ मेगावाट क्षमताको तल्लो सोलु जलविद्युत आयोजनाले ५४ औँ विश्व वातावरण दिवस विभिन्न जनचेतनामूलक तथा वातावरणमैत्री कार्यक्रम आयोजना गरी मनाएको छ। दिवसको अवसरमा तिङ्ला–जोरसल्लेस्थित सिंहकाली आधारभूत विद्यालयसँगको सहकार्यमा आयोजना गरिएको कार्यक्रममा सोलुदूधकुण्ड नगरपालिका–११ का वडाध्यक्ष टंक कार्की, रमिते प्रहरी चौकीका प्रमुख, आयोजनाका कर्मचारी, विद्यालयका शिक्षक–कर्मचारी तथा विद्यार्थीहरूको उल्लेखनीय सहभागिता रहेको थियो। कार्यक्रमअन्तर्गत वातावरण संरक्षण, सरसफाइ तथा जनचेतना अभिवृद्धिसम्बन्धी सचेतनामूलक गतिविधि सञ्चालन गरिएको थियो।

साथै हरित वातावरण निर्माण तथा प्राकृतिक स्रोत–साधनको संरक्षणमा योगदान पु¥याउने उद्देश्यले वृक्षारोपण कार्यक्रमसमेत सम्पन्न गरिएको आयोजनाले जनाएको छ। सो अवसरमा आयोजना र विद्यार्थीहरूबीच वातावरण संरक्षणका उपाय तथा यसको महत्वबारे अन्तरक्रिया कार्यक्रमसमेत आयोजना गरिएको थियो। कार्यक्रममा सहभागीहरूले वातावरण संरक्षण सबैको साझा जिम्मेवारी भएको उल्लेख गर्दै स्वच्छ, हरित र दिगो वातावरण निर्माणका लागि सामूहिक प्रयास आवश्यक रहेको धारणा व्यक्त गरेका थिए। यसै अवसरमा आयोजनाले उत्कृष्ट कार्यसम्पादन, अनुशासन, जिम्मेवारीबोध तथा कर्तव्यनिष्ठाका साथ कार्य गर्दै आएका १० जना कर्मचारीलाई सम्मान तथा प्रशंसापत्र प्रदान गरेको थियो।

कर्मचारीहरूको मनोबल अभिवृद्धि गर्ने उद्देश्यले सम्मान कार्यक्रम आयोजना गरिएको आयोजनाले जनाएको छ। दिवसको अवसरमा आयोजनाका कर्मचारीहरूले वातावरण संरक्षणसम्बन्धी सन्देश अंकित प्लेकार्डसहित वृक्षारोपण कार्यक्रम सञ्चालन गरेका थिए। कार्यक्रममार्फत वातावरणीय सचेतना फैलाउने तथा वृक्ष संरक्षणको महत्वबारे जानकारी प्रदान गरिएको आयोजनाको भनाइ छ। विविध जनचेतनामूलक तथा वातावरणमैत्री गतिविधिसहित सम्पन्न विश्व वातावरण दिवस कार्यक्रम सफलतापूर्वक सम्पन्न भएको आयोजनाले जनाएको छ।