प्रधानमन्त्री शाहको तस्बिर सहित पासाङ शेर्पा पुगे सगरमाथाकाे शिखरमा

जेठ २३, सोलुखुम्बु ।  आरोही पासाङ शेर्पाले प्रधानमन्त्री बालेनको तस्वीर सगरमाथाको चुचुरोमा पुर्याएका छन् ।  न्यु नेपाल थ्याङ्क यु जेन जी लेखिएको प्लेकार्ड सहित उनि सगरमाथाको चुचुरोमा पुगेका हुन् ।  सोलुखुम्बुको सोलुदुधकुण्ड नगरपालिका –५ जैदुका शेर्पाले २०२६ मे २० तारिख बिहान ५ बजेर ५० मिनेटमा सगरमाथाको चुचुरोमा पुगेर नेपालको राष्ट्रिय झण्डासँगै प्रधानमन्त्री बालेन्द्र शाहको तस्बिर प्रदर्शन गरेको जनाइएको छ ।

 सगरमाथा आरोहणपछि शेर्पाले शिखरबाट प्रधानमन्त्री शाहको तस्बिर सार्वजनिक गर्दै सफल आरोहणको सन्देश दिनुभएको बताइएको छ । उहाँको यस कार्यलाई व्यक्तिगत उपलब्धिसँगै राष्ट्रिय गौरव र सगरमाथा आरोहण परम्पराको निरन्तरताका रूपमा समेत हेरिएको छ । लामो समयदेखि हिमाल आरोहण क्षेत्रमा सक्रिय शेर्पाले यसअघि पनि विभिन्न हिमालहरूमा सफल आरोहण गरिसक्नुभएको स्थानीयवासीले बताएका छन्।

यस पटकको सगरमाथा आरोहणमा उहाँले प्रतिकूल मौसम र उच्च हिमाली चुनौतीबीच निर्धारित समयमै शिखर चुम्न सफल हुनुभएको जनाइएको छ । सोलुदुधकुण्ड नगरपालिका–५ का स्थानीय बासिन्दासमेत रहेका शेर्पाको सफलताले समग्र सोलुखुम्बु जिल्लाको गौरव बढाएको भन्दै स्थानीय तहका जनप्रतिनिधि तथा सरोकारवालाले बधाई व्यक्त गरेका छन्।