काँगेल र पञ्चनको सार्वजनिक सुनुवाइ सकियो, उत्साहजनक प्रश्न र उपस्थिति 

जेठ २४, सोलुखुम्बु  । थुलुङ दुधकोशी गाउँपालिका वडा नम्बर २ र ३ को सार्वजनकि सुनुवाई सम्पन्न भएको छ ।  आइतबार सम्बन्धित वडाका अध्यक्षहरूको अध्यक्षतामा सार्वजनिक सुनुवाई सम्पन्न भएको हो ।  वडा नम्बर २ काँगेल र वडा नम्बर ३ पञ्चनले विगत १ वर्षमा सम्पादन गरेका बजेट नीति तथा कार्यक्रमको सार्वजनिक सुनुवाई सम्पन्न गरेको हो ।

सार्वजनिक सुनवाईमा वडा नम्बर २ का अध्यक्ष युजन बस्नेतले वडामा प्राप्त सिलिङ बजेटको अधीनमा रहेर काम गरिएको बताउँदै आफ्नो कार्यकालमा के कस्ता काम गर्न सकिन्छ ति कामहरूलाई ध्यानपूर्वक सम्पन्न गर्ने उद्देश्य रहेको बताउनुभएको थियो । काँगेलमा आर्थिक वर्ष २०८२/८३ मा ६५ लाख रुपैयाँको बजेट कार्यान्वयन गरिएको उहाँले उल्लेख गर्नुभयो ।

 यस्तै वडा नम्बर ३ पञ्चनको सार्वजनिक सुनवाई सोही वडाका अध्यक्ष इन्द्रमणि दाहालको अध्यक्षतामा सम्पन्न भएको थियो ।  अध्यक्ष दाहालको अध्यक्षतामा सम्पन्न सुनवाईमा वडाका पूर्व वडा अध्यक्ष भूपध्वज राई सहित स्थानीय बुद्धिजीवी तथा समाजसेवीको उपस्थिति रहेको थियो ।