सोलुबाट सुत्केरी र नवजात शिशुको हेलिकप्टरमार्फत उद्धार

जेठ २५, सोलुखुम्बु । सोलुखुम्बुको थुलुङ दुधकोशी गाउँपालिकाकी ४४ वर्षीया हेमकुमारी कार्की र उहाँको नवजात शिशुलाई थप उपचारका लागि हेलिकप्टरमार्फत काठमाडौं पठाइएको छ । जिल्ला अस्पताल फाप्लुमा आवश्यक सघन उपचार सेवा उपलब्ध नभएपछि उनीहरूलाई उद्धार गरी राजधानी रेफर गरिएको जिल्ला प्रशासन कार्यालय सोलुखुम्बुले जनाएको छ। कार्कीले गर्भावस्थाको ३२ हप्तामै सोमबार बिहान ९ः४१ बजे शिशुलाई जन्म दिनुभएको थियो। उहाँाकाे उद्दारमा  समाजसेवी युवा नेताहरू अस्वीन बाबु थापा र नविन थापाकाे विशेष सक्रियता पछी समन्वय सफल भएकाे थियाे ।

समयअघि नै जन्मिएका कारण नवजात शिशुमा गम्भीर श्वासप्रश्वास समस्या देखिएको अस्पतालले जनाएको छ। साथै, पाँचौँ गर्भका कारण आमाको पाठेघर कमजोर भई अत्यधिक रक्तस्राव भएको थियो। थुलुङ दुधकोशी गाउँपालिका र जिल्ला अस्पताल फाप्लुको सिफारिस तथा चिकित्सकको रेफर पत्रका आधारमा जिल्ला प्रशासन कार्यालयले हवाई उद्धारको पहल गरेको थियो।

प्रशासनले ‘राष्ट्रपति महिला उद्धार कार्यक्रम’ अन्तर्गत हेलिकप्टर व्यवस्था गरिदिन महिला, बालबालिका तथा ज्येष्ठ नागरिक मन्त्रालयसँग अनुरोध गरेपछि उद्धार सम्भव भएको जनाएको छ। हाल आमा र शिशुको हाल त्रिवि शिक्षण अस्पताल वा थापाथलीस्थित प्रसूति तथा स्त्रीरोग अस्पतालमा थप उपचार भइरहेको जनाइएको छ।