खुम्बुमा बस्ती बाइपास गरेर सडक निर्माण गराउन खोजिएपछि नेपाली कांग्रेसले गरायो प्रशासनको ध्यानाकर्षण

जेठ २८, सोलुखुम्बु । जिल्लाको खुम्बु पासाङ ल्हामु गाउँपालिकाका वडा नम्बर १ पैयाँमा निर्माणधिन ङिम दोर्जी सडक विवादको विषयमा नेपाली कांग्रेसले प्रमुख जिल्ला अधिकारीलाई ध्यानाकर्षण गराएको छ । आज नेपाली कांग्रेसका केन्द्रिय सदस्य तथा पुर्व मन्त्री बल बहादुर केसी नेतृत्वमा गएको डेलिगेसन टोलीले सहायक प्रमुख जिल्ला अधिकारी तथा निमित्त प्रमुख जिल्ला अधिकारी सरोज अर्याललाई उक्त सडक खण्डमा भएको विवाद समाधान गरि यथासिघ्र सडक निर्माण कार्य गराउन सहजीकरणका लागी अनुरोध गरेको छ ।

खुम्बु पासाङ ल्हामु गाउँपालिकालाई अन्य पालिका र जिल्लालाई जोड्ने मुख्य सडकको रुपमा रहेको उक्त सडक खण्ड निर्माण गर्ने क्रममा बस्ती वाइपास गरेर सडक लान खोजिएपछि स्थानीयबासी सहित वडा कार्यालयले खुम्बु पासाङ ल्हामु गाउँपालिकालाई ध्यानाकर्षण गराएका थिए ।  ध्यानाकर्षणका गराउने क्रममा नेताहरूले बस्ती विचबाटै सडक निर्माण गरेर समस्याकाे समाधान हुनुपर्नेमा एकमत राखेका थिए ।

त्यसका बाबजुद पनि सडक खन्ने कार्य गर्न खोजिएको र सडक खन्ने नाममा गाउँपालिका प्रवक्ताले स्थानीय माथि दुर्व्यवहार गरेको भन्दै कांग्रेसले पुर्व मन्त्री स्तरीय ध्यानाकर्षण गराएको हो । उक्त समस्या सुनिसकेपछि निमित्त प्रमुख जिल्ला अधिकारी सरोज अर्यालले यस विषयमा प्रशासनले आवश्यक समन्वय गर्ने बताउनुभएको छ ।

ध्यानाकर्षणका क्रममा नेपाली कांग्रेसका केन्द्रिय सदस्य तथा पुर्व मन्त्री बलबहादुर केसी, सोताङ गाउँपालिका अध्यक्ष तथा  माहाधिवेशन प्रतिनिधी  खिलराज बस्नेत,नेचासल्यान गाउँपालिका अध्यक्ष तथा काङ्ग्रेस क्षेत्र क का सभापती धनजन राई, कांग्रेस नेता तथा महाधिवेशन प्रतिनिधी प्रकाश सिंह कार्की,  काङ्ग्रेस जिल्ला सचिव युवराज घिमिरे, महाधिवेशन प्रतिनिधी कुशराज राइ, नेपाल तरूण दलका केन्द्रिय सदस्य  तथा प्रदेशका प्रवक्ता अस्विनबाबु थापा नेपाल विद्यार्थी संघका केन्द्रिय सदस्य द्वय  दिनराज बाँस्तोला र जिवन बस्नेत र  विद्यार्थी नेता विभुषण राई लगायतका नेताहरुको उपस्थिति थियो ।