जेठ २९, साेलुखुम्बु ।
सोलुखुम्बुको सोताङ गाउँपालिकामा सब डिभिजन वन कार्यालय सोताङले करिब ६ हजार बोट बिरुवा निः शुल्क वितरण गरेको छ । आइतबार र सोमबार दुई दिनमा करिब ६ हजार बढी विरुवा किसानहरुलाई वितरण गरिएको वन कार्यालयका वन रक्षक मिलन राईले जानकारी दिनुभयो ।
डिभिजन वन कार्यालय सोलुखुम्बुको आर्थिक बर्ष २०८०/०८१ को स्विकृत कार्यक्रम अनुसार एक हप्ता भित्र २५ हजार बोट विरुवा वितरण गरिने राईको भनाई छ । किसानहरुको माग र आवश्यकता अनुसार बिरुवाहरुमा खनिउ, नेवारो, कालो सल्ला, कोठे सल्ला लगायतका बिरुवा वितरण भइरहेको छ ।
हाल सम्म गाउँपालिकाको वडा नम्बर १, ३ र ४ नम्बर वडाका नागरिकहरुले बढी विरुवा लगिरहेको छन्, भने सब डिभिजन वन कार्यालय सोताङले आफ्नै नर्सरीमै उत्पादन भएको विरुवाहरु वितरण गरिरहेको जनाएको छ । बिरुवा वितरण कार्य अहिले पनि भइरहेको छ ।
Discussion about this post