असार १३, सोलुखुम्बु । छाला तथा सौन्दर्य उपचार क्षेत्रमा बढ्दो मागलाई लक्षित गर्दै नवडर्मा स्किन, हेयर ट्रान्सप्लान्ट एण्ड लेजर एस्थेटिक्सले काठमाडौंको नयाँ बानेश्वरस्थित नयाँ र आधुनिक परिसरबाट सेवा विस्तार गरेको छ। नयाँ केन्द्र सञ्चालनसँगै संस्थाले पहिलोपटक हेयर ट्रान्सप्लान्ट सेवा सुरु गर्नुका साथै अत्याधुनिक फ्र्याक्सनल CO₂ लेजर मेसिन पनि सञ्चालनमा ल्याएको छ।
सेवा विस्तारको अवसरमा आयोजित कार्यक्रममा संस्थाले आधुनिक प्रविधिमार्फत छाला, कपाल र लेजर एस्थेटिक्ससम्बन्धी उपचार एउटै स्थानबाट उपलब्ध गराउने लक्ष्य सार्वजनिक गरेको हो। संस्थाका अनुसार नयाँ सेवाले कपाल झर्ने, टाउकोको कपाल पातलो हुने समस्या तथा विभिन्न छालासम्बन्धी जटिलताको उपचारलाई थप प्रभावकारी बनाउने अपेक्षा गरिएको छ। नवडर्माकी प्रबन्ध निर्देशक श्रेया पान्डेले गुणस्तरीय सेवा सबैको पहुँचमा पुर्याउने उद्देश्यले अत्याधुनिक उपकरण, सुविधासम्पन्न पूर्वाधार र विशेषज्ञ चिकित्सकको टोलीसहित नयाँ केन्द्र सञ्चालनमा ल्याइएको बताउनुभयो ।
उनका अनुसार संस्थाले उचित शुल्कमा सुरक्षित, व्यक्तिगत र अन्तर्राष्ट्रिय मापदण्डअनुसारको उपचार सेवा उपलब्ध गराउने लक्ष्य राखेको छ। संस्थाले सञ्चालनमा ल्याएको फ्र्याक्सनल CO₂ लेजर मेसिनबाट एक्नेका दाग, छालाको असमान बनावट, पोर्स, स्ट्रेच मार्कलगायत विभिन्न छालासम्बन्धी समस्याको आधुनिक विधिबाट उपचार गर्न सकिने जनाएको छ।
त्यस्तै, हेयर ट्रान्सप्लान्ट सेवाले प्राकृतिक देखिने र दीर्घकालीन नतिजा दिने उपचार विकल्प प्रदान गर्ने दाबी गरिएको छ। सात वर्षदेखि छाला तथा सौन्दर्य उपचार क्षेत्रमा सेवा दिँदै आएको नवडर्माले सेवाग्राहीको विश्वासलाई आफ्नो मुख्य उपलब्धि मान्दै आगामी दिनमा पनि नयाँ प्रविधि र विशेषज्ञ चिकित्सकीय सेवा नेपालमै विस्तार गर्ने प्रतिबद्धता जनाएको छ।
Discussion about this post