शेर्पा समाज माप्य दुधकोशीद्वारा आयोजित दुईदिने शेयर बजार सम्बन्धी वित्तीय साक्षरता तालिम सम्पन्न

असार २९, सोलुखुम्बु । शेर्पा समाज माप्य दुधकोशीको आयोजनामा सञ्चालन गरिएको दुईदिने शेयर बजारसम्बन्धी वित्तीय साक्षरता तथा सशक्तीकरण तालिम आइतबार सम्पन्न भएको छ । दुई दिनसम्म सञ्चालन भएको उक्त तालिममा ३५ जना सहभागीहरूले उत्साहजनक रूपमा सहभागिता जनाउँदै शेयर बजार, लगानी व्यवस्थापन, वित्तीय योजना तथा वित्तीय सचेतनासम्बन्धी महत्वपूर्ण ज्ञान र सीप हासिल गरेका छन् ।

तालिमले सहभागीहरूमा वित्तीय साक्षरता अभिवृद्धि गर्नुका साथै सुरक्षित तथा सचेत लगानीसम्बन्धी बुझाइ विकास गर्न महत्वपूर्ण योगदान पुर्याएको आयोजकले जनाएको छ । शेर्पा समाज माप्य दुधकोशीले आगामी दिनहरूमा पनि समुदायको हितलाई केन्द्रमा राखी यस्ता ज्ञानमूलक, सीपमूलक तथा सशक्तीकरणका कार्यक्रमहरू निरन्तर सञ्चालन गर्ने प्रतिबद्धता व्यक्त गर्दै सबै सरोकारवाला तथा समुदायको निरन्तर साथ, सहयोग र सहभागिताको अपेक्षा गरेको छ ।