असार ३०, सोलुखुम्बु । सोलुखुम्बुको नेचासल्यान गाउँपालिकाले आर्थिक वर्ष २०८२/८३ को असार २५ गतेसम्मको संक्षिप्त वित्तीय प्रगति विवरण सार्वजनिक गरेको छ । गाउँपालिकाले स्वीकृत वार्षिक कार्यक्रम तथा योजनाअनुसार असार २५ गतेसम्म सम्पूर्ण खर्च लेखाङ्कन गर्ने कार्य सम्पन्न भएपछि उक्त विवरण सार्वजनिक गरेको हो । सार्वजनिक विवरणअनुसार चालुतर्फ ३९ करोड ८ लाख विनियोजन गरिएकामा ३४ करोड २८ हजार १ सय ९६ रुपौयाँ ८८ पैस खर्च भएको छ । यो चालु बजेटको ८७ प्रतिशत खर्च हो ।
त्यसैगरी, पुँजीगततर्फ १३ करोड २८ लाख ७४ हजार ८८३ विनियोजन गरिएकामा ११ करोड १ लाख २८ हजार २ सय ४१ रुपौयँ १९ पैसा खर्च भएको छ । यो पुँजीगत बजेटको ८२.८८ प्रतिशत खर्च रहेको गाउँपालिकाले जनाएको छ । गाउँपालिकाका अनुसार चालु र पुँजीगत दुवै शीर्षक गरी कुल ५२ करोड ३६ लाख ७४ हजार ८८३ विनियोजनमध्ये ४५ करोड १ लाख ५६ हजार ४ सय ३८ रुपौयाँ खर्च भएको छ । यससँगै समग्र बजेट खर्च ८५.९६ प्रतिशत पुगेको प्रमुख प्रशासकीय अधिकृत टंकनाथ घिमिरेले जानकारी दिनुभयो ।
Discussion about this post