खोटाङ जिल्ला खेलकुद विकास समितिको अध्यक्षमा कसजु मनोनित

असार ३१, सोलुखुम्बु । कोशी प्रदेश सरकारअन्तर्गत प्रदेश खेलकुद विकास बोर्डले खोटाङ जिल्ला खेलकुद विकास समितिको अध्यक्षमा कसजुलाई मनोनित गरेको छ । बोर्डको असार १० गते बसेको बैठकको निर्णयअनुसार प्रदेश खेलकुद ऐन, २०७६ (पहिलो संशोधन अध्यादेश, २०८३ समेत) को दफा १६ को उपदफा (२)(क) बमोजिम कसजुलाई अध्यक्ष पदमा मनोनयन गरिएको हो।

बोर्डका सदस्य–सचिव विलव चापद्वारा हस्ताक्षरित मनोनयन पत्रमा अध्यक्षको पदावधि प्रदेश खेलकुद ऐनको दफा १७ बमोजिम रहने उल्लेख गरिएको छ। प्रदेश खेलकुद विकास बोर्डले नवनियुक्त अध्यक्ष कसजुलाई बधाई तथा सफल कार्यकालको शुभकामना व्यक्त गर्दै जिल्लामा खेलकुदको विकास, विस्तार र प्रवद्र्धनमा प्रभावकारी नेतृत्वदायी भूमिका निर्वाह गर्ने विश्वास व्यक्त गरेको छ। मनोनयनसम्बन्धी जानकारीको बोधार्थ कोशी प्रदेशका मुख्यमन्त्री तथा मन्त्रिपरिषद्को कार्यालय र सामाजिक विकास मन्त्रालयलाई समेत पठाइएको बोर्डले जनाएको छ।