साउन १, सोलुखुम्बु । सोलुखुम्बु जिल्ला अदालतका न्यायाधीश चन्द्रकुमार पोखरेलको सरुवा भएको छ । न्याय परिषद्को हालै बसेको बैठकले उहाँलाई जिल्ला अदालत सप्तरीमा सरुवा गर्ने निर्णय गरेको हो । पोखरेलको सरुवासँगै हाल जिल्ला अदालत सुर्खेतमा कार्यरत न्यायाधीश बसन्तराज जोशी सोलुखुम्बु जिल्ला अदालतमा आउने भएका छन् ।
बिहीबार बसेको न्याय परिषद्को बैठकले देशभरका उच्च अदालतका ५० जना र जिल्ला अदालतका १५७ जना न्यायाधीशको सरुवा सिफारिस गर्ने क्रममा सोलुखुम्बुको न्यायाधीश परिवर्तनसम्बन्धी निर्णय पनि गरेको हो । न्यायाधीश जोशीको आगमनसँगै सोलुखुम्बु जिल्ला अदालतको न्याय सम्पादनलाई थप प्रभावकारी, चुस्त र सेवामुखी बनाउने विश्वास लिइएको छ ।
Discussion about this post