काठमाडौंमा बसोबास गर्ने वडा–२ का बासिन्दालाई दुईदिने एकीकृत सेवा शिविर

सोलुखुम्बु, साउन । सोलुखुम्बुको लिखुपिके गाउँपालिकाको वडा नम्बर २ ले काठमाण्डौमा एकीकृत सेवा शिविर सञ्चालन गर्ने भएको छ ।  वडाले एक सूचना जारी गर्दै आगामी साउन १८ र १९ गते २ दिन काठमाण्डौमै सेवा प्रवाह शिविर सञ्चालन गर्ने भएको हो ।  गाउँपालिकाको वडा नम्बर २ स्थयी ठेगाना भई पेशा व्यवसाय लगायत अन्य विविध कारण काठमाण्डौ बसोबास गर्दै आइरहेका नागरिकको सहजताका लागी सेवा काठमाण्डौ लगिने भएको वडा अध्यक्ष मणिराम बस्नेतले बताउनुभयो । शिविर मार्फत सामाजिक सुरक्षा भत्ता दर्ता तथा बायोमेट्रिक प्रमाणीकरण, जन्म, मृत्यु, विवाह, बसाइँसराइ तथा सम्बन्ध विच्छेद लगायतका विभिन्न व्यक्तिगत घटना दर्ता, राष्ट्रिय परिचयपत्र वितरण तथा वडा कार्यालयबाट प्रदान गरिने अन्य सेवासमेत उपलब्ध गराइने जनाइएको छ । लिखुपिके साथै, थप जानकारीका लागि वडा अध्यक्ष, वडा सचिव तथा प्राविधिकसँग सम्पर्क गर्न सकिने सूचनामा उल्लेख गरिएको छ।