सोलुखुम्बु । नेपाली कांग्रेस सोलुखुम्बुले ४४ औँ बीपी स्मृति दिवसको अवसरमा वृक्षारोपण तथा ’जरा अभियान’ कार्यक्रम गरेको छ । नेपाली कांग्रेसका केन्द्रीय सदस्य लक्ष्मी परियारको प्रमुख आतिथ्यता तथा जिल्ला समन्वय समिति सोलुखुम्बुका प्रमुख एवं कांग्रेसका अग्रज नेता कृष्णप्रसाद निरौलाको उपस्थितिमा ’जरा अभियान’ को समापनसँगै वृक्षारोपण गरिएको हो।
कार्यक्रममा बोल्दै प्रमुख निरौलाले बीपी कोइरालाको विचार र लोकतान्त्रिक दर्शनलाई समाजमा स्थापित गर्न सबै लाग्नुपर्ने बताउनुभयो। उहाँले जननायक विपी काेइरालाले देखाएकाे बाटाेमा कांग्रेसकाे अथक यात्रा जारी रहेकाे प्रष्ट पानुर्भयाे । उहाँले बीपीको राष्ट्रिय मेलमिलापको नीतिले देशमा लोकतन्त्रलाई बलियो बनाउन महत्वपूर्ण भूमिका खेलेको उल्लेख गर्नुभएकाे थियाे । कार्यक्रममा काङग्रेस नेतृ तथा केन्द्रिय सदस्य लक्ष्मी परियारले हालको अवस्थामा काङ्ग्रेस पार्टी एक ढिक्का भएर देशमा व्याप्त समस्याको समाधान गर्नुपर्ने उल्लेख गर्नुभयो । नेपाली कांग्रेसकी नेतृ तथा सोलुदुधकुण्ड नगरपालिकाकी उपप्रमुख गान्धीमाया तामाङसहित जिल्लाका नेता तथा कार्यकर्ताको सहभागिता रहेको थियो।
बीपी स्मृति दिवसको अवसरमा कांग्रेस सोलुखुम्बुले वातावरण संरक्षणसँगै बीपी कोइरालाको विचारलाई जनस्तरसम्म पु¥याउने उद्देश्यले वृक्षारोपण तथा ’जरा अभियान’ सञ्चालन गरेको जनाएको छ।
Discussion about this post