ओखलढुंगामा भरुवा बन्दुकसहित एक जना पक्राउ

साउन ३०, सोलुखुम्बु । ओखलढुंगाको मोलुङ गाउँपालिका–५ गोगुनडाँडामा भरुवा बन्दुकसहित एक जना पक्राउ परेका छन् । शनिबार बिहान अन्दाजी ११ : ३० बजे मोलुङ गाउँपालिका–५ गोगुनडाँडा बस्ने अन्दाजी ३३ वर्षीय मोहन तामाङको घरमा भरुवा बन्दुक फेला परेको थियो ।

भरुवा बन्दुक फेला परेपछि इलाका प्रहरी कार्यालय बरुणेश्वरबाट प्रहरी निरीक्षकको कमाण्डमा प्रहरी टोली खटिएको थियो । प्रहरी टोलीले तामाङलाई भरुवा बन्दुक तथा उक्त बन्दुकमा प्रयोग हुने बारुद र छर्रासहित नियन्त्रणमा लिएको हो । घटनाबारे थप अनुसन्धान भइरहेको जिल्ला प्रहरी कार्यालय ओखलढुंगाले जनाएको छ ।