खरीखोला माविलाइ २१ लाख बढीको शैक्षिक सामाग्री तथा छात्रबृत्ति

जेठ ३२, साेलुखुम्बु  । खरीखोला माध्यमिक विद्यालयलाई २१ लाख बढीको शैक्षिक सामाग्री प्राप्त भएको छ । सोलुखुम्बुको खुम्बु पासाङ ल्हामु गाउँपालिका १ स्थित खरीखोला माविलाई एक्सन खरीखाेला स्वीट्जरल्याण्डको सहयोगमा २१ लाख ३० हजार ५ सय ६५ रुपैयाँ बराबरको शैक्षिक सामाग्री प्राप्त एको हो ।

विद्यालयको शैक्षिक उन्नयनका लागी विभिन्न तवरबाट सहयोग गर्दै आइरहेको उक्त संस्थाको आर्थिक सहयोग तथा एक्सन खरीखाेला नेपालकाे आयोजनामा विहिबार सम्पन्न एक कार्यक्रमका वीच विद्यार्थीलाई छात्रबृत्ति तथा शैक्षिक समाग्री वितरण गरिँदा हाल सम्म उक्त रकम बराबरको शैक्षिक सामाग्री प्राप्त भएको विद्यालयका प्रधानाध्यापक तिलक राना मगरले बताउनुभयो ।

विद्यालयका लागी एक वटा स्मार्ट बोर्ड सहित अन्य विभिन्न शैक्षिक सामाग्री प्राप्त भएको छ । यसैक्रममा विहिबार माविमा एक्सन खरीखाेला स्वीट्जरल्याण्डका प्रतिनिधी सहितको टोलीले विद्यार्थीहरुलाई छात्रबृत्ति, शैक्षिक सामाग्री, खेलकुद पोशाक र जुत्ता वितरण गरिएको हो ।

एक्सन खरीखोला स्वीटजरल्याण्डको आर्थिक सहयोग तथा एक्सन खरीखोला नेपालको आयोजनामा माविका ५० विद्यार्थीहरुलाई छात्रबृत्ति र २ सय ३८ विद्यार्थीलाई शैक्षिक तथा खेलकुद सामाग्री वितरण गरिएको जनाइएको छ । खरी खोला माविमा अध्ययनरत २ सय ३८ जना विद्यार्थीलाई संस्थाको सहयोगमा झोला, कपि, स्पोर्ट ड्रेस लगायत वितरण गरिएकाे विद्यालयका प्रधानाध्यापक तिलक राना मगरले बताउनुभयो । यस संस्थाले सो विद्यालयमा विगत ११ वर्ष देखी गर्दै आएको छात्रबृत्ति वितरणलाई यस वर्ष पनि निरन्तरता दिँए छ ।

सुरुमा १५ जना विद्यार्थीलाई छात्रबृत्ति उपलब्ध गराउदै सुरु गरिएको छात्रबृत्ति वितरण यस वर्ष सम्म आइपुग्दा ५० जना सम्मलाई वितरण गरिएको प्रधानाध्यापक मगरले बताउनुभयो । उहाँका अनुसार यस वर्ष विद्यालयका ५० जना जेहेन्दार गरीव तथा लगनसिल विद्यार्थीहरुलाई छात्रबृत्ति वितरण गरिएको छ । संस्थाले प्रतिविद्यार्थी महिनाको एक हजार रुपैयाँका दरले छात्रबृत्ति उपलब्ध गराउदै आएको र यस वर्षको छात्रबृत्ति कार्यक्रम अन्तर्गत विद्यालयमा ५० जना गरीव तथा जेहेन्दार विद्यार्थीलाई छात्रबृत्ति प्रदान गरिएको छ ।

यस वर्ष एक्सन खरी खोला स्वीट्जरल्याण्ड ले ५० जना विद्यार्थीलाई ६ लाख बराबरको छात्रबृत्ति प्रदान गरेको छ । छात्रबृत्ति वितरण तथा खेलकुद एवं शैक्षिक सामाग्री वितरणका लागी एक्सन खरीखोला स्विटजरल्याण्ड का प्रतिनीधि एन्ड्रे साउथिएर विद्यालयमै पुग्नुभएको जनाइएको छ ।

यसरी विद्यालयकाे लागी सहयोग जुटाउन   एक्सन खरिखोला नेपालका अध्यक्ष सेर बहादुर मगरको अतुलनीय पहल रहेको   प्रधानाध्यापक मगरले बताउनुभयाे ।