कैदीबन्दीको विशेष हेरचाह गर्न महानिर्देशक आचार्यको निर्देशन

जेठ ३१ सोलुखुम्बु । कारागारमा रहेका कैदीबन्दीको विशेष हेरचाह गर्न कारागार व्यवस्थापन विभागका महानिर्देशक जय नारायण आचार्यले निर्देशन दिनुभएको छ । कारागार कार्यालय सोलुखुम्बुको निरीक्षणका लागी सोलुखुम्बु आइपुग्नु भएका आचार्यले आज जिल्ला कारागार सोलुखुम्बुको स्थलगत निरिक्षण गर्दै सम्बन्धीत कर्मचारीलाई यस्तो निर्देशन दिनुभएको हो ।

महानिरीक्षक आचार्यले शुक्रवार सल्लेरी स्थित कारागारको स्थलगत निरीक्षण गरि हिमाली जिल्लाको कारागारको भौतिक, औषधी उपचार, कैदी स्थानान्तरण, सिप विकास तालिम, खानेपानीको लगायतकाे अवस्थाका बारेमा उहाँले जानकारी लिदैँ जेलर राम कुमार विश्वकर्मा लाइ निर्देशन गरेकाे जानकारी दिनुभयो ।

यस्तै नियमित अनुगमनको क्रममा महानिर्देशक आचार्यले जिल्ला कारागार ओखलढुंगामा पनि अनुगमन गर्नुभएको जनाइएको छ । उहाँ ओखलढुंगा कारागारको अनुगमन गरी सोलुखुम्बु आउनुभएको र भोलि फर्कने तालिका रहेको जिल्ला प्रशासन कार्यालय सोलुखुम्बुका सहायक प्रमुख जिल्ला अधिकारी सारेज अर्यालले जानकारी दिनुभयो ।

ओखलढुंगाका रहेका ९२ जना कैदीबन्दी रहेको जानकारी लिएको उहाँको भनाई छ । आज सोलुखुम्बु जिल्ला कारागार अनुगमनको क्रममा प्रमुख जिल्ला अधिकारी देवी पाण्डे(खत्री), सहायक प्रमुख जिल्ला अधिकारी सरोज अर्याल, प्रहरी निरीक्षक लक्ष्मण गिरी, जेलर राम कुमार विश्वकर्मा लगायतको उपस्थिती रहेको थियो ।