सिताके च्याउ सम्बन्धी तालिम प्रभावकारी बन्ने वडा अध्यक्ष तामाङको विश्वास

जेठ ३२, सोलुखुम्बु । सोलुदुधकुण्ड नगरपालिका वडा नम्बर ४ फाप्लुका वडा अध्यक्ष युवास तामाङले सिताके च्याउ सम्बन्धी तालिम वडाबासीका लागि प्रभावकारी बन्ने विश्वास व्यक्त गर्नु भएको छ । रेडियो एभरेष्टसँग कुराकानी गर्दै यहि जेठ २९ गतेबाट संचालन भएको सिताके च्याउ तालिम वडाबासीका लागि प्रभावकारी बन्ने विश्वास व्यक्त गर्नुभएको हो ।

सोलुदुधकुण्ड नगरपालिकाको आयोजना तथा गरीबी निवारणका लागि लघु उद्यम विकास कार्यक्रम अन्तर्गत (मेडपा) लघु घरेलु तथा साना उद्योग प्रवद्र्वन केन्द्र त्रिपुरेश्वर काठमाडौँ आर्थिक सहयोगमा ४ दिन तालिम सञ्चालन गरिएको वडा कार्यालयले जनाएको छ । वडामा पहिलो पटक सिताके च्याउ उत्पादन सम्बन्धी तालिम लिन पाउँदा सहभागीहरुले समेत खुसी व्यक्त गरेका छन् ।

उक्त तालिममा २२ जनाको सहभागीता रहेकोमा सोनाम लामा र सोलुदुधकुण्ड नगरपालिका वडा नम्बर ४ का कृषि प्राविधिक डिल्लीराज खड्काले सहजिकरण गर्नुभएको थियो ।