कालिका देवी माविमा “शिक्षक–बिद्यार्थी जन्मोत्सव“ कार्यक्रमको शुभारम्भ

असार २ सोलुखुम्बु । थुलुङ दुधकोशी गाउँपालिका वडा नम्बर ३ स्थित कालिका देवि माध्यमिक विद्यालयमा “शिक्षक–बिद्यार्थी जन्मोत्सव“ कार्यक्रमको शुभारम्भ गरिएको छ । आईतबार २०८१ जेठ २५ र ३२ गतेका दिन अभिभावकहरुको भेलाबाट प्रगतिशिल अगुवा क्लबको निर्णय अनुसार “शिक्षक–बिद्यार्थी जन्मोत्सव“ कार्यक्रमको शुभारम्भ गरिएको हो ।

शिक्षक प्रकाश राईका अनुसार शिक्षक संगै बिद्यार्थीहरुको सामिप्यता, बिद्यार्थी शिक्षकहरुमा हुने फजुल खर्च नियन्त्रण र बिद्यालय प्रतिको अपनत्व अनुभुती गराउने उदेश्यले आजबाट बिद्यालयले शिक्षक बिद्यार्थी जन्मोत्सव कार्यक्रमको थालनी गरेको हो । पछिल्लो समय जन्मदिनको नाममा समाजमा आएको नकारात्मक परिपाटीबाट सामान्य तरिकाले जन्मदिनलाई खुसी साटेर मनाउन सकिन्छ भन्ने कुरा सिकाउनु कार्यक्रमको मुख्य उदेश्य रहेको उहाँले उल्लेख गर्नुभयो ।

आफ्नो जन्मदिनमा स्टाफ र साथीहरुसंग खाइने भोज र बिद्यार्थीहरुले चक्लेट बिस्कुट र केक खाएर आफ्नो जन्मदिन मनाउने गरेकोमा आजबाट बिद्यालयमा “बालक्लबको नगद तथा जिन्सी कोष“मा आफुले सकेको नगद र बिद्यालयमा प्रयोजन हुने सामान्य शैक्षिक सामाग्री र अन्य जुन सुकै सामान स्वच्छिक सहयोग गरेर वा बिद्यार्थीहरुमा निशुल्क खुसी मनले आफ्नो जन्मदिन एक मुष्टरुपमा जन्म दिनको शुभकामना विद्यालयमा सामान्य रुपमा जन्मदिन मनाउने गरी “शिक्षक–बिद्यार्थी जन्मोत्सव“ कार्यक्रमको शुरुवात गरेको हो ।

बिद्यालयका शिक्षिका ज्ञानु कोइराला दाहाल , कक्षा २ का छात्र अर्पण राई, कक्षा ४ प्रस्मिता राई र कक्षा ९ को मनिसा राई बिद्यार्थीहरुको जन्मदिनमा ज्ञानु म्याडमले बिद्यालयलाई एक हजार पाँच सय रपैँया सहयोग गरेर र बिद्यार्थीहरुबाट बालक्लबलाई एउटा फुल सहितको गमला प्रदान गरेर कार्यक्रमको शुभारम्भ गरिएको विद्यालयले जनाएको छ ।