शिवटार बजार क्षेत्रको ढल व्यवस्थापन कार्य ७ महिनामा ५० प्रतिशत

असार २, सोलुखुम्बु । सोताङ गाउँपालिका वडा नम्बर ५ स्थित शिवटार बजार क्षेत्रको ढल व्यवस्थापन कार्य ७ महिनामा ५० प्रतिशत सम्पन्न भएको छ । २०८० भदौ ३१ गते ठेक्का सम्झौता गरी मंसिर महिनाबाट निर्माण कार्य सुरु गरिएको बजार क्षेत्रको ढल व्यवस्थापन कार्य ५० प्रतिशत सम्पन्न भएको हो ।

कोशी प्रदेश भौतिक पूर्वाधार तथा सहरी विकास मन्त्रालय, सहरी विकास तथा भवन कार्यालय ओखलढुङ्गाको ४ करोड १६ लाख १७ हजार ४२ रुपैयाँको लागतमा ढल व्यवस्थापनको कार्य तिव्र भईरहेको रमण निर्माण सेवा प्रा.लीका सञ्चालक विजय तामाङले रेडियो एभरेष्टलाई जानकारी दिनुभयो । उहाँका अनुसार शिवाटार बजार क्षेत्रकोे ढल व्यवस्थापन आउँदो फागुन महिनामा सम्पन्न गर्ने सम्झौतामा उल्लेख गरिएको भए पनि माघ महिना भित्रै काम सक्ने हिसाबले काम भइरहेको हो ।

यस्तै सोताङ गाउँपालिका वडा नम्बर ५ का वडा अध्यक्ष मानविर राईले हाल सम्म फुस्तेल बजार भित्रको निर्माण कार्य सकिएको बताउनुभयो । उहाँले निर्माण सेवालाई कामको तिव्रगति सँगै गुणस्तरमा समेत ध्यान दिन आग्रह गर्नुभयो । वर्षौँदेखि शिव टार बजार क्षेत्रको ढल व्यवस्थापन हुन नसक्दा स्थानीयले समस्या झेल्दै आएका थिए । ढल व्यवस्थापन गर्ने हुदाँ स्थानीयवासीले खुसी व्यक्त गरेका छन् ।