सल्लेरी बजारबाट उद्धार गरिएका बालक परिवारको जिम्मा लगाइयो

असार ६, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ५ बागमका हराईएको बालक आफन्तलाई जिम्मा लगाइएको छ । बागम बस्ने मदन लामा र जानुका तामाङको ८ वर्षिय छोरा सुवास तामाङ हराइरहेको जानकारी गराएसँगै जिल्ला प्रहरी कार्यालय सोलुखुम्बुले खोजतलास गरी आज परिवारलाई जिम्मा लगाइएको हो ।

जिल्ला प्रहरी कार्यालय सोलुखुम्बुका प्रहरी प्रमुख तथा प्रहरी नायव उपरीक्षक द्वारीका प्रसाद घिमिरेका अनुसार सल्लेरी बजार स्थित बाटोमा हिडिरहेको अवस्थामा फेला पारी बिहिवार जिम्मा लगाइएको हो । बालकको साथमा रहेको टिनको बाकस भित्र चार हजार एक सय पैतालिस रुपैँया नगर समेत बुझाइएको जिल्ला प्रहरी कार्यालय सोलुखुम्बुले जनाएको छ ।