असार ९, सोलुखुम्बु । मानव अधिकारको लागि महिला एकल महिला संस्था सोलुखुम्बुका अध्यक्ष सूर्य कुमारी सुनुवारले एकल महिलालाई समाजले हर्ने नजरमा परिवर्तन हुन नसकेको बताउनुभएको छ । आईतबार ११४औैँ अन्तर्राष्ट्रिय महिला दिवसको अवसरमा रेडियो एभरेष्टसँग कुराकानी गर्दै यस्तो बताउनुभएको हो । उहाँले ग्रामिण एवंम दुरदराजका महिलाहरु हरेक दिन विभेदको सिकार बन्दैै गएको उहाँको भनाई छ ।
महिलाहरु विविध किसिमका स्रोत साधन र अवसरको पहुँचबाट अझै पछाडी परेको भन्दै लैंगिक विभेद र हिंसा अन्त्यका लागि आवाज उठाए पनि यस्ता विभेदहरुको अन्त्य गर्न नसकिएको उल्लेख गर्नुभयो । जब सम्म महिलाहरु आर्थिक रुपमा सम्पन्न हुदैन्न तब सम्म एकल महिलाहरु पिडित हुने भन्दै यस तर्फ तिनै तहका सरकारको ध्यान जान आवश्यकमा जोड दिनुभयो । महिला हक, अधिकार, सशक्तीकरण एवं लैंगिक समानताका लागि आवाज उठाउँदै विश्वभरि एक शताब्दीभन्दा बढी समयदेखि आजकै दिनलाई महिलाका लागि विशेष दिनका रूपमा मनाइँदै आइएको छ ।
सन् १९०८ मार्चमा १५ हजार महिलाले न्युयोर्क सिटीमा काम गर्ने समय थोरै हुनुपर्ने, राम्रो ज्याला दिनुपर्ने र मतदानको अधिकार हुनुपर्ने मागसहित ¥याली गरेसँगै यसको बीजारोपण भएको थियो । यसको एक वर्षपछि अमेरिकाको समाजवादी पार्टीले पहिलो राष्ट्रिय महिला दिवस घोषणा गरेको थियो । नारी मुक्ति आन्दोलनकी अभियन्ता क्लारा जेट्किनले सन् १९१० मा अन्तर्राष्ट्रिय महिला दिवस सुरुआत गर्नुपर्नेमा सुझाएकी थिइन् ।
पहिलोपटक सन् १९११ मा अन्तर्राष्ट्रिय महिला दिवस अस्ट्रिया, जर्मनी, डेनमार्क र स्विट्जरल्यान्डमा मनाइएको थियो । तर, संयुक्त राष्ट्रसंघले सन् १९७५ मा यो दिवस मनाउन थालेपछि यसले आधिकारिक मान्यता पाएको थियो । श्रमबारे उठेको आन्दोलनलाई संयुक्त राष्ट्रसंघले वार्षिक कार्यक्रमका रूपमा अन्तर्राष्ट्रिय महिला दिवसको मान्यता दिएको थियो ।
लैंगिक समानता हासिल गर्न महिला तथा बालिकाको सुरक्षा र सामाजिक संरक्षणको पूर्ण प्रत्याभूतिका साथै सभ्य र न्यायपूर्ण समाज निर्माण गर्न, महिलाका अधिकार र सशक्तीकरणका सवालमा आवाज बुलन्द गर्न, महिलाको सहभागिता, विभेद, असमानताका सवालमा ¥याली, जुलुस तथा विभिन्न सचेतनामूलक कार्यक्रम गरी दिवस मनाइएको छ । यस वर्ष ‘महिलामा लगानी ः सभ्य र समुन्नत समाजको थालनी’ भन्ने राष्ट्रिय नारासहित ११४औँ अन्तर्राष्ट्रिय महिला दिवस मनाइएको छ ।
Discussion about this post