सोलुखुम्बुमा पहिलोपटक याक तथा चौँरी महोत्सव हुँदै 

साेलुखुम्बु – सोलुखुम्बुमा जिल्लाकै पहिलो पटक याक तथा चौँरी पर्यटन महोत्सव हुने भएको छ । चौंरीपालक किसान व्यवसायिक संघ सोलुखुम्बुको आयोजनामा यहि बैशाख ४ देखी ६ गते सम्म ३ दिन चौँरी तथा याक पर्यटन महोत्सव आयोजना हुने भएको हो ।

सोलुखुम्बूको सोलु दूधकुण्ड नगरपालिका र लिखुिपके गाउँपालिकाको सिमानामा रहेको पिके पिक बेसक्याम्पमा महोत्सव आयोजना हुने भएको बताइएको छ  । महोत्सवमा स्थानीय चौँरी व्यवसायीहरूका चौँरी सँगै चौरीबाट उत्पादन हुने चिज, घिउ तथा छुर्पि  प्रदर्शन तथा बिक्रीवितरणमा ल्याउने याक तथा चौँरी व्यवसायी संघ सोलुखुम्बुका अध्यक्ष थुेटोप दोर्जी शेर्पाले बताउनुभयो ।

नेपालमै लोपउन्मुख चौँरीपालन व्यवसाय अहिले बेवास्तामा पर्दै गएपछि सोलुखुम्बुका सम्बन्धीत स्थानीय तह हरुको ध्यानाकर्षणका लागी महाेत्सवको आयोजना गरिएको उहाँको भनाई छ ।  चौँरीपालन व्यवसाय व्यवसाय मात्र नभई पर्यटनका लागी पनि उत्तिकै महत्वपूर्ण रहेकाले यसलाई पर्यटनसँग जोड्न सके चौंरीपालक किसानको व्यवसायिक विकासमा टेवा पुग्ने भएकाले याक तथा चौँरी पर्यटन महोत्सव कोशेढुङगा सावित हुने हुने उहाँको भनाई छ