असार १०,साेलुखुम्बु । साेलुखुम्बुकाे नेचासल्यान गाउँपालिकाले आगामी आर्थिक वर्षका लागि ४७ करोड भन्दा बढी बजेट सार्वजनिक गरको छ । पालिकाको केन्द्र नेचाबिहीबारेमा आयोजित १५ औँ गाउँ सभामा बार्षिक निति तथा कार्यक्रम र बजेट पेश गरिएको हो ।
गाउँपालिका अध्यक्ष धनजन राईको अध्यक्षतामा भएको सभामा पालिका उपाध्यक्ष विना राईले नीति तथा कार्यक्रम पेश गर्नु भएको छ । उपाध्यक्ष राईले पेश गरेको नीति तथा कार्यक्रममा भौतिक पुर्वाधार निर्माणका बाँकी कामलाई पूणर्ता दिँदै कृषिको व्यवसायीक विकासलाई प्राथमिक्तामा राखिएको छ ।
नीति कार्यक्रमलाई लागु गर्न ल्याईएको बजेट पनि सोमबार नै सार्वजनिक गरिएको छ । वडा नम्बर १ का वडा अध्यक्ष रमेश कुमार राईले ४७ करोड ११ लाख बराबरको बजेट प्रस्तुत गर्नु भएको छ ।
चालु तर्फ १० करोड बजेट विनियोजन गरिएको छ भने बाँकी ३६ करोड विभिन्न शीर्षकमा विनियोजन गरिएको छ । आज प्रस्तुत गरिएको नीति कार्यक्रम र बजेट आगामी सभाबाट पास गर्ने गरि सभा स्थगित गरिएको पालिका अध्यक्ष धनजन राईले बताउनु भयो ।
Discussion about this post