अवकाश भएको दिन विद्यालयमा अक्षयकोष,

असार ११, सोलुखुम्बु  । सोलुखुम्बुको नेचासल्यान गाउँपालिका ३ स्थित नरनाथ आधारभूत विद्यालयका शिक्षक डम्बर प्रसाद कट्टेलले विद्यालयमा अक्षयकोष स्थापना गर्नुभएको छ ।  उमेरहदका कारण अनिवार्य अवकाश प्राप्त गर्दै गर्नुभएका शिक्षक  कट्टेलले विद्यालयमा ५१ हजार रुपैयाँ बराबरको अक्षयकोषको स्थापना गर्नुभएको हो । उहाँले आफ्ना स्वर्गीय माता पिता प्रभाकर कट्टेल र तुलसा देवी कट्टेलकाे स्मृतिमा अक्षयकोष स्थापना गर्नुभएको जनाइएकोछ ।

आज विद्यालयबाट अवकासपछि बिदाइ हुनुभएका शिक्षक कट्टेलले विद्यार्थीहरूको शैक्षिक उन्नयनका लागी अक्षयकोषको स्थापना गर्नु भएकाे विद्यालयले जनाएको छ । यसैक्रममा विद्यालयका पूर्व विद्यार्थी तथा पूर्व विद्यालय व्यवस्थापन समितिका सदस्य तथा रेडियो एभरेष्टका फिल्ड कोअर्डिनेटर धनकुमार ढुङ्गेलले शुद्ध पिउनेपानीको धारा स्थापना गर्नुभएको छ ।  उहाँले मंगलबार विद्यालयमा आयोजित बिदाई तथा सम्मान कार्यक्रमका बीच विद्यालयमा ९ वटा शुद्ध पिउनेपानीको धारा स्थापना गर्नुभएको हो ।

आधारभुत विद्यालयका रहेका ९ वटा सबै कक्षा कोठामा उहाँले धारा स्थापना गर्दै विद्यार्थीलाई पिउनेपानीका लागी कक्षा बाहिर जानुपर्ने बाध्यताको अन्त्य गर्नुभएको विद्यालय श्रोतले जनाएको छ ।  ढुङ्गेल रेडियो एभरेष्टको स्थापित रिपोर्टर एवं फिल्ड कोअर्डिनेटर हुनुहुन्छ । व्यवस्थापन समिति अध्यक्ष ध्रुव भण्डारी को अध्यक्षता सम्पन्न भएको कार्यक्रममा व्यवस्थापन समिति का पदाधिकारी सिअ संघ, शिक्षक तथा  विद्यार्थी को उपस्थितमा सम्पन्न भएको प्रधानाध्यापक कमल प्रसाद कट्टेलले जानकारी दिनु भयो ।