ओखलढुङ्गाकी देवीको पहिरोमा परी मृत्यु 

असार १२, सोलुखुम्बु । अविरल वर्षा पछि आएको पहिरोले घर बगाउँदा ओखलढुङ्गाकी देवी खत्रीको ज्यान गएको छ ।  जिल्लाको चिशंखुगढी गाउँपालिका वडा नम्बर ५ शेर्नाकी देवीको गएराती आएको पानी पछिको पहिरोले घर बगाउँदा मृत्यु भएको हो ।

पहिरोमा परी उनका श्रीमान र छोरी भने घाइते भएका छन ।  उनका श्रीमान ३५ वर्षीय बाबुराम खत्री भने गम्भीर घाइते रहेको चिशंखुगढी गाउँपालिकाका अध्यक्ष निशान्त शर्माले बताउनुभयो । बाबुरामलाई घटना स्थलबाट उद्धारगरी अहिले काठमाण्डौ पठाउने तयारी भइरहेको अध्यक्ष शर्माको भनाई छ ।

यस्तै उनकी १८ वर्षकी छोरी मेनुका खत्रीको भने सामान्य घाइते रहेको उहाँको भनाई छ ।  यो वर्षको मनसुन सुरु नै नभइ पहिरोको वितण्डा सुरु भएको भन्दै सरोकारवालाहरूको चिन्ता व्यक्त गरेका छन ।  ओखलढुङ्गामा यो वर्षको मनसुनजन्य विपदको कारण ज्यान गएको यो पहिलो घटना हो ।