विद्धोदय माध्यमिक विद्यालयमा ६० बोट विरुवा रोपियो

 असार १३, साेलुखुम्बु ।    खोटाङको दिक्तेल रुपाकोट मझुवागढी नगरपालिका ७ ओखरबोटे स्थित विद्धोदय माध्यामिक विद्यालयमा वृक्षरोपण गरिएको छ ।

बिहिबार विद्यालय क्षेत्रभित्र विभिन्न प्रजातिका बिरुवा रोपिएको विव्यस सदस्य पदम हिङ्माङले बताउनुभयो । वडा कार्यालयबाट प्राप्त बिरुवा विद्यालय क्षेत्रभित्र रोपिएको हो ।

विद्यालयलाई हरयिाली सुन्दर र स्वच्छ वातावरण बनाउने उदेश्यले बिरुवा रोपिएको प्रध्यानध्यापक पेशल आचार्यले जानकारी दिनुभयो । विश्व वातावरण दिवसको अवसरमा रोप्नका लागि भनेर छुट्याईएको विरुवा विद्यालयमा परीक्षा सञ्चालन भईरहेको कारण आज रोपिएको बताईएको छ ।

वृक्षरोपण कार्यक्रममा विव्यस अध्यक्ष सहरमान राई , प्रध्यानध्यापक पेशल आचार्य , विव्यस सदस्य पदम हिङ्माङ, शिक्षक, शिक्षिका, विद्यार्थी लगाएको उपस्थितमा रोपिएको विद्यालयले जनाएको छ ।