जि फाउण्डेशन नेपालले बनायो, ९६ लाख बराबरको विद्यालय भवन

असार १३, सोलुखुम्बु । जि फाउण्डेशन नेपालले खोटाङको एसेलुखर्क गाउँपालिका वडा नम्बर ६ ज्यामिरेको एक विद्यायलमा ९६ लाख बराबरको भवन निर्माण गरेको छ । जि फाउण्डेशन नेपालले सान्तोदय माध्यमिक विद्यालयमा सोहि रकम बराबरको भवन निर्माण गरेको हो ।

जि फाउण्डेशन नेपाल र स्थानीयको जनश्रमदान गरी कुल ९६ लाख ९१ हजार बराबरको लागत तथा प्रयास नेपालको व्यवस्थापनमा विद्यालय भवन जिर्ण अवस्थामा रहेकाले विद्यार्थीको पठनपाठनमा सहजता मिल्ने भन्दै ८ कोठे भवन निर्माण गरिएको हो । विद्यालयको भवन जिर्ण भएकाले ३ वर्ष आगाडी देखिको योजना अनुसार भवन बनाइएको प्रयास नेपालका कोषाध्यक्ष निलु थुलुङले जानकारी दिनुभयो । उक्त भवन निर्माण गत मंसिर २८ गतेबाट सुरु भई यही असार २५ गते विद्यालयलाई हस्तान्तरण गरिने जि फाण्डेशन नेपालले जनाएको छ ।