नेचासल्यानका महिलालाई नेतृत्व विकास तालिम 

असार १३, सोलुखुम्बु । सोलुखुम्बुको नेचासल्यान गाउँपालिकामा आयोजित महिलाहरूको लागी २ दिने नेतृत्व विकास तथा कानुनी सचेतना सम्बन्धी तालिम सम्पन्न भएको छ ।  गाउँपालिकाको आयोजनमा बुधबारबाट सुरु भएको तालिमको आज गाउँपालिका धनजन राईले समापन गर्नुभएको हो ।

महिलाहरूको हक अधिकार र कानुनी व्यवस्था तथा उनीहरूको नेतृत्व विकासका लागी तालिमले सहयोग गरेको अपेक्षा गाउँपालिकाले जनाएको छ । तालिम समापन गर्दै गाउँपालिका अध्यक्ष धनजन राईले हिंसालाई पूर्ण रुपमा अन्त्य गर्नुपर्ने बताउँदै सोलुखुम्बुको नेचासल्यान गाउँपालिकाका महिलामा चेतनाको विकास अन्य पालिकाको तुलनामा भएको बताउनु भएको छ ।  बुधबार सुरु भएको  भएको तालिम गाउँपालिका उपाध्यक्ष विना राईले उद्धाटन गर्नुभएको थियो ।

उहाँले तालिम पुनर्ताजगी तालिम भएको बताउनुभएको थियो । उहाँले गत साल गरिएको प्रतिबद्धता पुरा गरिएको पनि बताउनुभएको छ ।  तालिममा सहभागीहरूको तर्फबाट बल्दै सहभागि सरस्वती कार्कीले तालिम लिने अवसर दिएकाे मा गाउँपालिकालाई धन्यवाद व्यक्त गर्नुभएको छ । उहाँले यो भन्दा अगाढी स्टेटमा आएर माइक्रोफोन समाउन नसक्ने अवस्थामा रहेको भएपनि अहिले निर्धक्कका साथ बोल्न सक्नेगरी क्षमता वृद्धि भएको बताउनुभएको छ । तालिमको सहजिकरण रेडियो एभरेष्टका स्टेसन मेनेजर सविन सिंह र महिला अधिकारकर्मी डाक्टर रेनुका बस्नेत (रेणुका सोलु) ले गर्नुभएको सहकर्मी धनकुमार ढुङ्गेलले बताउनुभयो ।