माप्यका महिलाले बनाए गुणस्तरीय आलु चिप्स

असार १३, सोलुखुम्बु । सोलुखुम्बुको माप्यदुधकोशी गाउँपालिकामा महिलाहरुले गुणस्तरीय आलु चिप्स बनाएका छन् । सामाजिक विकास मन्त्रालय, कोशी प्रदेशको आर्थिक सहयोग तथा गाउँपालिकाको आयोजनामा वडा नम्बर २ राप्छामा सञ्चालन गरिएको ५ दिने तालिममा महिलाहरुले गुणस्तरीय चिप्स बनाएका हुन् ।

प्रदेश सरकारको विपन्न, दलित, जनजाती र सिमान्तीकृत महिलाहरुका लागि आर्थिक आत्मनिर्भर कार्यक्रम अन्तर्गत ५ लाख रुपँैया बजेट विनियोजन गरिएको माप्यदुधकोशी गाउँपालिकाका उपाध्यक्ष गौरव राईले जानकारी दिनुभयो । उहाँका अनुसार पालिका भित्रका २९ जना नागरिकहरुको सहभागीता रहेकोमा २५ जनालाई छनौट गरी प्रदेशबाट छुट््याएको बजेट मार्फत अनुदान दिइने भएको हो ।

बिहिबार समापन कार्यक्रममा गाउँपालिका अध्यक्ष बुद्विकिरण राईले ५ दिन सम्म तालिममा सिकेका सिपलाई व्यवहार समेत लागु गर्न आग्रह गर्नुभएको छ । यस तालिमले महिलाहरुका लागि उद्यमी बन्न समेट टेवा पुग्ने उल्लेख गर्नुभएको छ । यस्तै गाउँपालिकाका उपाध्यक्ष गौरव राईले तालिममा बनाइएको चिप्स विगतका समयको भन्दा प्रभावकारीता देखिएको बताउनुभयो ।