वन क्षेत्रमा विस्तार गरियो पाइप लाईन 

असार १३, सोलुखुम्बु  । जुरेथुम्का सामुदायिक वनको पश्चिम मोहडा उपभोक्ता समितिले पाइपलाइन व्यवस्थापनको काम सम्पन्न गरेको छ ।  विहीबार समितिका अध्यक्ष राजकुमार खनाल नेतृत्वको उपभोक्ता समिति तथा स्थानीय सरोकारवालाको जमातले सामुदायिक वन क्षेत्र भित्र रहेको मलामी विश्राम स्थल सम्म खानेपानी पुर्‍याउन पाइपलाइन विस्तार गरेको हो ।  खनालको नेतृत्वमा गरिएको श्रमदान मार्फत सामुदायिक वन उपभोक्ताहरूले सामुदायिक वनको मनमासे बाट जुरेथुम्का सम्म खानेपानी विस्तारका लागी पाइपलाइन विस्तार गरेर उक्त पाइप लाइनको व्यवस्थापन गरेको जनाइएको छ  । यसैबीच उक्त सामुदायिक वन क्षेत्रमा वृक्षरोपण गरिने पनि जनाइएको छ । वन क्षेत्रलाई हरियाली बनाउन केही समयपछि वृक्षारोपण गरिने अध्यक्ष खनालले जानकारी दिनुभयो ।  नवनिर्वाचित समितिले सामुदायिक वन क्षेत्रको हितका लागी विभिन्न रचनात्मक काम गरिरहेको अध्यक्ष खानलले रेडियो एभरेष्टलाई बताउनुभयो ।