असार १५, सोलुखुम्बु । सोलुखुम्बुको नेचासल्यान गाउँपालिकाकी उपाध्यक्ष विना राई राष्ट्रिय निर्देशन समितिमा मनोनित हुनुभएको छ । गत असार १० गते संघीय मामिला तथा सामान्य प्रशासन मन्त्रालय अन्तर्गतको प्रदेश तथा स्थानीय शासन सहयोग कार्यक्रमलाई निर्देशन गर्न संघीय मामिला तथा सामान्य प्रशासन मन्त्रीको अध्यक्षतामा रहेको सो समितिमा उहाँलाई मन्त्रीस्तरीय निर्णयले मनोनयन गरेको हो ।
प्रदेश तथा स्थानीय शासन प्रणाली एवं अन्तर सरकारी सम्बन्ध सुदृढ गरी सहकारी संघीयताको लाभहरू अभिवृद्धि गराउने र प्रदेश तथा स्थानीय तहको क्षमता अभिवृद्धि गरी विकास व्यवस्थापन र सेवा प्रवाहलाई प्रभावकारी बनाउने उद्देश्यका साथ सञ्चालित स्थानीय शासन सहयोग कार्यक्रमलाई निर्देशन गर्न बनेको राष्ट्रिय निर्देशन समितिमा उहाँलाई मनोनयन गरिएको स्थानीय शासन सहयोग कार्यक्रमका प्रबन्धक गोकर्ण प्रसाद उपाध्यायले बताउनुभयो ।
राई सहित देशभरबाट उक्त कार्यक्रममा ८ वटा पालिकाका नगर प्रमुख र उपप्रमुख उक्त, समितिमा मनोनित भएका छन् ।
Discussion about this post