नेचा सल्यान २ का ५९ महिलालाई करेसाबारी व्यवस्थापन सम्बन्धी २ दिने तालिम

असार १७, साेलुखुम्बु ।  सोलुखुम्बुको नेचासल्यान गाउँपालिकामा महिलाहरुका लागी २ दिने कानुनी सचेतना, महिला हिंसा, महिला स्वस्थ्य परामर्श, करेसाबारी व्यवस्थापन, सहकारी तथा आयआर्जन सम्बनधी तालिम सम्पन्न भएको छ । नेचासल्यान गाउँपालिकाको आर्थिक सहयोग तथा सल्यान सामुदायिक सिकाई केन्द्रको आयोजनामा गत असार १५ गते र १६ गते आयोजना भएको २ दिने तालिम आइतबार सम्पन्न भएको हो ।

सिकाइ केन्द्रमा आवद्ध ५९ जना महिलाहरु सहभागि तालिमको उद्घाटन गाउँपालिका अध्यक्ष धनजन राईले गर्नुभएको थियो भने तालिमको समापन सिकाइ केन्द्रका अध्यक्ष भेषकुमार बास्तोलाको अध्यक्षतामा भएको थियो । तालिममा सहभागि महिलाहरुलाई गाउँपालिकाका कृषि शाखाका कर्मचारी तथा सहजकर्ताहरुले करेसाबारीको व्यवस्थापनका लागी आवश्यक ज्ञान सिप दिइएको छ । उनिहरुलाई करेसाबारीलाई आयआर्जन सँग जोडेर आत्मनिर्भर बन्न सकिनेगरी ज्ञान सिप प्रदान गरिएको छ ।

यस्तै महिला स्वास्थ्य तर्फको सहजिकरणमा मेडिकल अधिकृत अनिल यादवले महिलाहरुको स्वास्थ्य सम्बन्धी सेवा लिन अस्पतालहरुमा निर्धक्क सँग समस्या राख्ने विषयमा सहजिकरण गरिएको सिकाई कैनद्रका ऋध्यक्ष भेष कुमार बाँस्तोलाले बताउनुभयो । तालिम लिएपछि सहभागि महिलाहरुले हिंसाको प्रकृति र त्यसको न्युनिरण र कानुनि बाटोको बारेमा जानकारी पाएको जनाएका छन । उनिहरुले २ दिने तालिममा करेसाबारी व्यवस्थापन र महिला स्वास्थ्यको बारेमा सहजकर्ताहरुले परामर्श दिएका बताएका छन ।

उनिहरुले २०६६ सालमा स्थापना भएको सिकाइ केन्द्र विचमा सुस्ताएको भएपनि अहिले फेरी पनि व्युत्याउँदै रचनात्मक कामहरुमा लाग्दा खुसी लागेको बताएका छन । उनिहरुले सिकाई केन्द्रले आयोजना गरेको तालिममा महिलाहरुको लागी आवश्यक ज्ञान प्राप्त गरेकोले अव केही सहज हुने बताएका छन ।

वर्षायामको समयभएपनि तालिममा महिलाहरुको उल्लेख्य सहभागिता रहेको थियो । उनिहरुले २ दिने तालिमलाई दैनिक काम नै छाडेर ध्यान पुर्व लिएका थिए । तलिम नेचासल्यान गाउँपालिका वडा नम्बर २ मा रहेको विपि संस्कृत माविको सभाहलमा सम्पन्न भएको थियो । यसअघि गाउँपालिकाले गत १२ र १३ गते पनि यस्तै कानुनि सचेतना तथा क्षमता विकास सम्बन्धी तालिम आयोजना गरेकको थियो उक्त तालिममा गाउँपालिका भरिका ९० जना बढी महिलाहरुको सहभागिता रहेका यियो ।