सोलुखुम्बु ः एकैरातमा ९ वटा पहिरो, २ सरकारी कार्यालय समेत जोखिममा 

असार १८, सोलुखुम्बु ।  सोमबार राती हिमाली जिल्ला सोलुखुम्बुमा ९ वटा पहिरोका घटना भएका छन ।  सोमबार दिनभर र राती अवेर सम्म भएको वर्षातले जिल्लाको बिभिन्न स्थानमा पहिरो निम्त्याएको जिल्ला प्रहरी कार्यालय सोलुखुम्बुले जनाएको छ ।

सोमबार राती परेकाने पानीले जिल्लाका २सरकारी कार्यालाय सहित सडक, व्यक्तीगत घर लगायतमा क्षती भएको छ ।  बर्षात पछि जिल्ला प्रशासन कार्यालय सोलुखुम्बूको पेरीमिटर वाल भत्किएको छ भने कोष तथा लेखा नियन्त्रण कार्यालय सोलुखुम्बुको घेराबारा सहितको ग्याविन १८ मिटर वाल भत्किएको छ ।

यस्तै सोलुदुधकुण्ड नगरपालिका ११ तागादिङमा पर्ने सिद्धिचरण राजमार्गमा ढुङ्गा खसेर राजमार्ग अवरुद्ध भएको पहरीले जनाएको छ ।  उक्त अवरोध हटाएर अवरुद्ध राजमार्ग लाई सुचारु गर्न प्रहरी चौकी रमितेबाट प्रहरी टोली गइसकेको प्रहरीले जनाएको छ ।

यस्तै पहिरोकै कारण सोलुदुधकुण्ड नगरपालिका ३ स्थित तामाखानी बाट पिके जाने भित्री सडक समेत अवरुद्ध भएको जनाइएको छ । यता सल्लेरीबाट तामाखानी जाने सडक पनि पहिरोका कारण अवरुद्ध भएको जनाइएको छ ।   पहिरोका कारण सडक सँगै विभिन्न स्थानमा व्यक्तिहरूका घर समेत जोखिमपूर्ण अवस्थामा पुगेका छन ।

 रातको मुसलधारे वर्षापछि थुलुङ दुधकोशी गाउँपालिका २ का चक्र बहादुर कार्कीको घर भन्दा ३० मिटर माथिबाट पहिरो जादा घर जोखिममा परेको छ । ९ जनाको कार्की परिवारलाई तत्काल अन्यत्र बसोबासका लागी सारिएको प्रहरीको भनाई छ ।

यस्तै सोलुदुधकुण्ड नगरपालिका ६ जिरोप्वाइन्ट भीम बहादुर मगरको घर नजिकै पहिरो जाँदा उक्त घर जोखिममा रहेको, थुलुङ दुधकोशी १ रुकुराका लाल बहादुर विक, बल बहादुर बिक, टङ्क बहादुर बिक, हर्क बहादुर बिक, विष्णु माया विक, तुलसा खड्का लगायतको घर माथि ३५ मिटरको पहिरो जाँदा उक्त घर जोखिममा परेको प्रहरीले जनाएको छ ।

यस्तै थुलुङ दुधकोशी १ कै सिमखर्कका मेख बहादुर खत्रीको घर माथिबाट पहिरो खस्दा घरमा सामान्य क्षती भएको छ । भने शौचालय भन्दा माथि ३० मिटर लामो पहिरो खस्दा शौचालय पूर्ण रुपमा क्षतिग्रस्त बनेको छ ।