लुक्लामा दुई दिन देखि हवाई उडान ठप्प

असार १८, सोलुखुम्बु । तेन्जिङ हिलारी विमानस्थल लुक्लामा दुई दिनबाट हवाई उडान ठप्प भएको छ । आइतबार राति देखि निरन्तर परिरहेको अविरल बर्षात कारण हवाई उडान ठप्प भएको हो । तेन्जिङ हिलारी विमानस्थलका बरिष्ठ अधिकृत विवस दाहालका अनुसार अनुकुल मौसममा दैनिक २ सय ५० पटक हवाई उडान हुने गरेको भन्दै सोमबार र मंगलबार कुनै पनि उडान हुन नसकेको हो ।

उडान नहुने भएपछि कतिपय यात्रीहरु हिडेर गन्तन्वय तर्फ लागेका छन् । उक्त विमानस्थलमा मौसम सामान्य प्रतिकूल हुनेबित्तिकै लुक्लामा उडान ठप्प हुने बताइएकोे छ । मौसम सफा हुन साथ हवाई उडान सुरु हुने बरिष्ठ अधिकृत दाहालको भनाई छ ।