लिखुपिकेमा अपाङ्गता भएका बालबालिका शिक्षाको पहुँचमा पुग्दै

आसार १८, सोलु्ुखम्बु । हिमाली जिल्ला सोलुखुम्बुको लिखुपिके गाउँपालिकामा अपाङ्गता भएका बालबालिका शिक्षाको पहुँचमा पुग्ने भएका छन् । सोमबार गाउँपालिका अध्यक्ष मिना कार्की बस्नेतले पालिका भित्रका विद्यालयमा खेलकुदको सामाग्री वितरण गर्दै अपाङ्गता भएका बालबालिकालाई समेत शिक्षाको पहुँचमा पुग्ने भएका हुन् । अपाङ्गता भएका बालबालिका शिक्षाको उज्यालो घामबाट अझै पनि वञ्चित भएको भन्दै उनिहरुलाई शिक्षाको पहुँचमा पुु¥याउने अध्यक्ष कार्कीको भनाई छ ।

अपाङ्गता भएका बालबालिकाले अन्य बालबालिकासरह शैक्षिक तथा अतिरिक्त क्रियाकलापहरूमा सक्रिय सहभागिता जनाउने अवसर प्राप्त गर्ने र अवसरहरूको पूर्ण सदुपयोग गर्न समेत पाउने हो भने उनीहरू समाजका लागि कुशल र उत्पादनशील नागरिक बन्न गाउँपालिकाले विश्वास लिएको छ । पालिकाले वडा नम्बर ४ लेलपु र वडा नम्बर २ पोखरीका अपाङ्गता भएका दुई बालबालिकालाई घरमै १ घण्टे शिक्षा दिइने भएको छ ।

बालबालिकाको घरमै एक एक जना शिक्षकको व्यवस्था गरिनेछ भने, आवश्यक पर्ने शैक्षिक सामाग्री समेत वितरण गरिएको छ । आउँदो साउन महिनाबाट कक्षा संचालन सुरु गरिने शिक्षा, युवा तथा खेलकुद शाखाका शिक्षा संयोजक रेखराज बस्नेतले जानकारी दिनुभयो ।