गिरिजाप्रसाद कोइरालाको शताब्दीऔं जन्म जयन्तीको अवसरमा सोलुखुम्बुमा अन्तरकृया 

असार १८, सोलुखुम्बु ।  नेपालका पुर्व प्रधानमन्त्री तथा नेपाली काङ्ग्रेसका पुर्व सभापति लोकतान्त्रिक आन्दोलनका नायक गिरिजाप्रसाद कोईरालाको सताव्दीऔं जन्म जयन्तीको अन्तरकृया कार्यक्रम गरिएको छ ।  आज जय नेपाल फाउण्डेसन सोलुखुम्बुको आयोजनामा जिल्लाको थुलुङ दुधकोशी गाउँपालिका १ नेलेमा अन्तरकृया कार्यक्रम सम्पन्न भएको हो । 

अन्तरकृया कार्यक्रममा  नेपाली काङ्ग्रेसका केन्द्रिय एवं सदस्य पर्यटन विभागका प्रमुख आङ गेलु शेर्पाको प्रमुख आथित्यता रहेको थियो ।  कार्यक्रममा बोल्दै कार्यक्रमका प्रमुख अथिती शेर्पाले गिरिजाप्रसाद कोईराला देश र जनताको हितका निम्ति सधै डटेर लडेको स्मरण गर्नुभयो । यस्ते उहाँले अहिले भइरहेको सत्ता समीकरण  संविधान संशोधन गरेर राज्यलाई आर्थिक भार कम गराउनका साथै स्थिरता कायम गराउनका लागि भएको भएको धारणा राख्नुभयो ।

गिरिजा प्रसाद कोइरालाको जीवनी भन्नु सिङ्गो नेपालको लोकतान्त्रिक आन्दोलनको इतिहास रहेको उहाँको टिप्पणी थियो । यस्तै कार्यक्रममा बोल्दै नेपाली काङ्ग्रेसका महाधिवेशन प्रतिनिधि एवं जय नेपाल फाउन्डेसन सोलुखुम्बुका अध्यक्ष नवीन थापाले सहमति सहकार्य र एकताको बाटोमा हिँड्नु भनेको गिरिजाप्रसाद कोइरालाको पथमा हिँड्नु भएको धारणा राख्नु भयो त्यस्तै नेपाली काङ्ग्रेसका महाधिवेशन प्रतिनिधि महेन्द्र दीप राईले गिरिजाप्रसाद कोईराला जे बोल्ने त्यही गर्ने नेता भएका कारण उहाँबाट सबै नेता कार्यकर्ताले प्रेरणा लिनुपर्ने उल्लेख गर्नुभयो ।  

कार्यक्रममा नेपाली कांग्रेसका पूर्व महाधिवेशन प्रतिनिधि वीर बहादुर गुरुङ नेपाली कांग्रेस जिल्ला कार्यसमिति सोलुखुम्बुका सदस्य सूर्य बस्नेत जीवन ज्योति मा.बि. नेलेका प्रधानाध्यापक प्रभुराम बस्नेत, नेपाल विद्यार्थी सङ्घ सोलुखुम्बुका सचिव मोहन कृष्ण निरौला, नेपाली काङ्ग्रेसका नेता कुमार खड्का, नेपाली काङ्ग्रेसका युवा नेता द्रोण बास्तोला, नेपाली काङ्ग्रेस थुलुङ दुधकोशी १ नेलेका सचिव साजन घले, नेपाल विद्यार्थी सङ्घ सोलुखुम्बुका सचिव मोहन कृष्ण निरौलाले जानकारी दिनुभयो । कार्यक्रम थुलुङ दुधकोशी गाउँपालिका नेलेका सभापति चुडा बस्नेतको सभापतित्वमा सम्पन्न भएको थियो ।