गिरिजाप्रसाद कोइरालाको शताब्दीऔं जन्मजयन्ती नेविसंघले वितरण गर्यो कैदीबन्दी लाई पुस्तक 

सोलुखुम्बु, असार १८ । नेपालका पूर्व प्रधानमन्त्री तथा नेपाली काङ्ग्रेसका पुर्व सभापति लोकतान्त्रिक आन्दोलनका नायक गिरिजाप्रसाद कोइरालाको १०० औं जन्म जयन्तीको अवसरमा नेपाल विद्यार्थी सङ्घ जिल्ला कार्यसमिति सोलुखुम्बुले जिल्ला कारागारमा रहेका कैदीबन्दीहरूलाई पुस्तक वितरण गरेको छ ।

सङ्घको तर्फबाट नेपाल विद्यार्थी सङ्घ जिल्ला कार्यसमिति सोलुखुम्बुका सचिव मोहन कृष्ण निरौलाले कारागारका जेलर मीन विश्वकर्मालाई पुस्तक हस्तान्तरण गर्नुभएको हो  । पुस्तक हस्तान्तरण गर्दै सचिव निरौलाले पुस्तक पढ्नेहरूको सङ्ख्या दिन प्रतिदिन घट्दो अवस्थामा रहेका कारण पठन संस्कृतिको विकास गर्नुपर्नेमा जोड दिनुभयो ।

साथै जेलर विश्वकर्माले पुस्तक उपलब्ध गराएकोमा नेपाल विद्यार्थी सङ्घ सोलुखुम्बुलाई धन्यवाद ज्ञापन गर्नुभयो । कार्यक्रममा सोलुखुम्बु बहुमुखी क्याम्पसका स्वबियु कोषाध्यक्ष देवकला कुलुङ जिल्ला कार्यसमिति सदस्य प्रतिमा तामाङ लगायत विद्यार्थी नेताहरूको उपस्थिति रहेको नेपाल विद्यार्थी सङ्घ सोलुखुम्बुका नेता कपिल थुलुङले जानकारी दिनुभयो ।