नेले पञ्चन सडक खण्डमा पहिरो, पुनः सुचारु गर्न गाउँपालिका जेसीवी पठाउँदै 

असार १९, सोलुखुम्बु । सोलुखुम्बुको नेले पञ्चन सडक खण्ड पहिरोका कारण अवरुद्ध भएको छ । जिल्ला सदरमुकाम सल्लेरी बाट थुलुङ दुधकोशी गाउँपालिका १ नेले हुदै वडा नम्बर ३ पञ्चन र खोटाङको ऐसेलुखर्क जोड्ने सडक खण्ड अन्तर्गको पञ्चन भञ्ज्याङमा पहिरोका कारण सडक अवरुद्ध भएको हो ।

गत १७ गतेको अविरल वर्षात् १७ गते राती गएको पहिरोका कारण आवतजावत नै बन्द भएको छ । सडक अवरुद्ध हुँदा पञ्चन बासी नागरिकलाई सडक मार्ग हुँदै जिल्ला  सदरमुकाम र जिल्ला बाहिर आवतजावतमा समस्या भएको छ । पञ्चन बासीलाई मात्र हैन खोटाङको ऐसेलुखर्क गाउँपालिका  लगायत अन्य स्थानबाट सोलुखुम्बु आउन उक्त सडक खण्ड प्रयोग गर्ने नागरिकलाई समेत सास्ती भइरहेको छ । 

कालिका मावि पञ्चनका विव्यस अध्यक्ष मीन प्रसाद कोइरालाका अनुसार सडक खुलाउन प्रयास गाउँपालिकाले जेसीवी पठाइसकेको जानकारी प्राप्त भएको बताउनुभयो । यस्तै सडकमा झरेको पहिरोका कारण विद्युत सेवा समेत अवरुद्ध भएको उहाँको भनाई छ । नेले पञ्चन सडक खण्डमा पहिरो जाँदा पोल समेत लडेकाले पञ्चन बासी अँध्यारोमा बसिरहनु परेको छ ।

पञ्चन मात्रै नभएर पालिकाका सबै सडकमा पहिरो खस्दा अवरुद्ध भएका कारण सबैतिर सडक सञ्चालनमा ल्याउने काम गरिरहेको पालिकाले जनाएको छ ।   सडक खुलाउन निरन्तर पालिकाको जेसीवीले काम गरिरहेको गाउँपालिका प्रवक्ता  भोजराज कार्कीले जानकारी दिनुभयो ।