मध्ये बर्खामा आगलागी, तामाङका २२ वटा बाख्रा मरे

असार २१, सोलुखुम्बु । हिमाली जिल्ला सोलुखुम्बुमा असारको झरीमा समेत आगलागी भएको छ । जिल्लाको सोलुदुधकुण्ड नगरपालिका वडा नम्बर १० जुके भन्ने स्थानमा गएराती भएको आगलागी बाट २१ वटा बाख्रा र १ वटा बोका सहित २२ वटा पशु, १२ वटा कुखुरा जलेर मरेका छन । जुकेका स्थानीय सुवइ तामाङको ढुँगा माटोले बनेको काठको छाने भएको २ तले घर जल्दा पशु चौपाया सहित अन्न पात लत्ताकपडा र नगद समेत जलेको जिल्ला प्रहरी कार्यालय सोलुखुम्बुले जनाएको छ । प्रहरीका अनुसार तामाङको घरमा राखिएको ६ मुरी गहुँ, ६ पाथी चामल, १२ हजार नगद, सहित घर भित्र भएको काठपात भाँडा बर्तन जलेर खरानी भएको छ । राती ३ बजे सुरु भएको आगलागी विहान ८ बजे नियन्त्रणमा आएको थियो । आगलागीबाट मानवीय क्षति नभएको प्रहरीको भनाई छ ।