असार २२, सोलुखुम्बु । सोलुखुम्बुका गणेश विश्वकर्मा भ्वाइस अफ किड्स सिजन ३ को ब्लाइन्ड अडिसनमा छनौट भएका छन । चर्चित साङ्गितिक रियालिटि सो “द भ्वाइस अफ किड्स सिजन ३” को व्लाइन्ड अडिसनमा ४ वटै कोचहरूको रोजाईमा पर्न सफल हुँदै उनी अर्को चरणका लागी छनौट भएका हुन ।
हिमालयन टेलिभिजनबाट प्रसारण हुने रियालिटि सो द भ्वाइस अफ किड्सको बिहिबारको संस्करणमा सहभागिता जनाउन पुगेका विश्वकर्माले भारतीय गायक सोनु निगमको नेपाली गीत उकाली ओराली गर्दैमा प्रस्तुति दिएका थिए । उक्त गीतमा विश्वकर्माले दिएको प्रस्तुतिलाई मन पराउँदै किड्सका निर्णायकहरु प्रमोद खरेल, मेलिना राई, मिलन नेवार र छेवाङ लामा लाई टर्न गर्न सफल भएका थिए ।
उनको प्रस्तुति मन पराएर सबैभन्दा पहिला मेलिना राईले कुर्सी घुमाएकी थिइन भने लगत्तै कुर्सी घुमाएका गायक प्रमोद खरेललाई मेलिनाले ब्लक गरेकी थिइन । ४ जना कोचहरुनै आफ्नो टिममा विश्वकर्मालाई ल्याउन लालयित भएपनि विश्वकर्माले मेलिना राईको टिम रोजेका छन । सोलुखुम्बुको सोताङ गाउँपालिका १ का विश्वकर्मालाई विश्व रेकर्ड राख्न सफल संङ्गीतकर्मी दुर्लभ जन्तरेले विशेष सहयोग गरेको बताएका छन । बाल गायक गणेशले नेपाली साङ्गितिक बजारमा दुर्लभ जन्तरेकाे शब्द रहेकाे गित “उडिजाने बनचरीकाे भर हुन्न रहेछ” बाेलकाे गितकाे बाल संस्करण रेकर्ड गराइसकेका छन ।
Discussion about this post