निकुञ्जमा संकलन हुने राजस्वमा ९६ प्रतिशत बढी पर्यटनको योगदान

साेलुखुम्बु – सगरमाथा राष्ट्रिय निकुञ्जमा यो वर्ष  संकलित कुल राजस्वको ९६ प्रतिशत हिस्सा पर्यटनले ओगटेको छ । चालु आर्थिक वर्षको हाल सम्म  निकुञ्जले कुल १० करोड ३८ लाख ५० हजार ७ सय ७१ रुपैयाँ राजस्व संकलन गर्दा १० करोड ५ लाख ५० हजार ३ रुपैयाँ राजस्व पर्यायपर्यटनबाट मात्रै संकलन भएको छ ।

जुन प्रतिशतको हिसावले ९६ दशमलव ८२ प्रतिशत हो । सगरमाथा क्षेत्र भ्रमण गर्न आउने पर्यटकहरुलाई प्रवेश शुल्क बापत तथा अन्य बिभिन्न सेवा शुल्क बापत लिइने करबाट सो बरावरको रकम उठेको सगरमाथा राष्ट्रिय निकुञ्जक कार्यालयका सुचना अधिकारी मनोज मण्डलले बताउनु भयो ।

विस्वकै सर्वाधिक रोजाइमा रहेको पर्यटकिय गन्तव्य समेत रहेको सगरमाथा क्षेत्रमा यो वर्ष ३६ हजार ८ सय २६ विदेशी र ५ हजामर ९१ जना नेपाली गरि जम्मा ४१ हजार ९ सय १७ जनाले सगरमाथा राष्ट्रिय निकुञ्ज भ्रमण गरेका छन् । यसैविच आर्थिक वर्ष २०८०÷८१ को ९ महिनामा निकुञ्जले वन पैदावार विकृवितरणबाट ६ लाख ९४ हजार ८ सय ९९ रुपैयाँ राजस्व संकलन गरेको छ ।

यस्तै कार्यालयले दण्ड तथा जरिवानाबाट १ लाख ५ हजार रुपैयाँ र अन्यमा २५ लाख ७ सय ७८ रुपैयाँ राजस्व संकलन गरेको सुचना अधिकारी मण्डलले बताउनुभयो । यसरि कार्यालयले चालु आर्थिक वर्षको हाल सम्म विभिन्न शिर्षकबाट १० करोड ३८ लाख ५० हजार ७ सय ७१ रुपैयाँ राजस्व संकलन गरेको छ ।