सोलुखुम्बुमा शनिवार मनसुन जन्य विपदका ५ घटना 

२२ असार, सोलुखुम्बु ।  शनिवार सोलुखुम्बुमा मनसुनजन्य ५ वटा घटना भएका छन ।  शुक्रबार देखी परेको अविरल वर्षात् जिल्लका विभिन्न स्थानका सडक र विद्यालय क्षेत्रमा पहिरो गएको छ । जिल्ला प्रहरी कार्यालय सोलुखुम्बुका अनुसार शनिवार जिल्लाका विभिन्न ५ स्थानमा पहिरो गएर सडक बाटो अवरुद्ध हुनका साथै एक विद्यालय क्षेत्र परिषरमा क्षती पु¥याएको हो ।

प्रहरीका अनुसार आज बर्षातका कारण जिल्लाको सोलुदुधकुण्ड नगरपालिका ३ स्थित कमेरेमा खोल्सा नजिकै गएको पहिरोको कारण सल्लेरी तामाखानी सडक अवरुद्ध भएको थियो उक्त सडक अहिले खुलाइ सकिएको छ ।  यस्तै बर्षातकै कारण सोलुदुधुण्ड नगरपालिका ११ तिङ्ला तागादिङमा पहिरो जाँदा सिद्धिचरण राजमार्ग अवरुद्ध भएको थियो यद्यपि उक्त अवरुद्ध सडक जेसिविको प्रयोग गरि  साँझ ५ बजे खुलाइ सकिएको छ ।  यस्तै जिल्लाको माप्य दुधकोशी गाउँपालिका २ ठुलो ढुंगा चोकमा पहिरो जाँदा सल्लेरी पैयाँ सडक खण्ड अवरुद्ध भएको छ ।

शनिबार दिउँसो पहिरो खस्दा अवरुद्ध सल्लेरी पैयाँ सडक खण्ड खुलाउन स्थानीय पालिका सँग समन्वय भइरहेको प्रहरीले जनाएको छ । यता जिल्लाकै खुम्बु पासाङ ल्हामु गाउँपालिकामा निर्माणाधीन ङिम दोर्जी पर्यटन सडकमा लगाइएको तारजाली फुट्दा जलविद्युत आयोजनाको पावर हाउस जोखीमिमा परेको छ ।

 शनिबार दिउँसोको पानीले गाउँपालिकाको वडा नम्बर १ पैयाँमा निर्माणधीन सडक खण्डको सुरक्षार्था लगाइएको तारजाली फुटेर सोही स्थानमा रहेको पैयाँ खोला लघु जलविद्युत आयोजनाको पावर हाउस जोखिममा परेको छ । यस्तै पहिरोकै कारण माप्य दुधकोशी गाउँपालिका वडा नम्बर २ स्थित बासाखाली माविको ग्राउण्डको पर्खाल खस्दा स्थानीय काले कामीको घर जोखिममा परेको प्रहरीको भनाई छ ।  आज जिल्लामा बाढी पहिरोबाट अहिले सम्म मानवीय र पशुचौपाया क्षति भएको छैन ।